Primeiru-Ministru Governu Konstitusionál VII hahú funsaun
Primeiru-Ministru Governu Konstitusionál VII, Marí Alkatiri, hasoru-malu ho ninia antesesór, Primeiru-Ministru Governu Konstitusionál VI nian, Rui Maria de Araújo, iha loron 18 fulan-setembru tinan 2017, iha Palásiu Nobre Lahane, iha Dili, hodi entrega pasta, no hodi hahú Governu foun nia funsaun sira.
Rui Maria de Araújo akompaña husi estrutura hotu husi ninia gabinete, inklui diretór, koordenadór no kolaboradór sira. Halo pontu situasaun traballu ida ne’ebé hala’o hela no entrega Retratu Governu nian no Relatóriu kona-ba prosesu Governasaun Governu VI nian ba Primeiru-Ministru, Marí Alkatiri.
“Wainhira ita harii Estadu ida, ne’e tenke iha kontinuidade. Governu bele muda, maibé Estadu mantein ninia kontinuidade”, hateten Primeiru-Ministru, Marí Alkatiri, ne’ebé garante katak “Governu foun laiha intensaun atu troka ema, maibé hadi’a polítika, planu, Programa no sistema”.
Atu lee vídeo kona-ba enkontru ne’e, klike iha ne’e:
