Diversifikasaun ekonómika importante tebes ba futuru país nian
Iha loron 20 fulan-abríl liubá, Ministru Estadu, Koordenadór Asuntus Ekonómikus no Ministru Agrikultura no Peskas, Estanislau Aleixo da Silva, partisipa ona iha programa semanál TVTL nian “Ita-nia Governu”.
Na’i-ulun ne’e ko’alia liu kona-ba nesesidade atu “diversifika ekonomia (país nian) no labele depende de’it ba reseita sira husi mina-rai no gás”. Nia kaer nafatin nia liafuan katak tenke haree ba área atividade nian sira seluk, hanesan Agrikultura, Peskas, Turizmu no Indústria Transformadora sira.
Realiza husi Sekretaria Estadu Komunikasaun Sosiál, programa ne’e hala’o iha Auditóriu Universidade Nasionál Timor-Lorosa’e (UNTL) nian no hetan mós partisipasaun husi Vise-Prezidente Kámara Komérsiu no Indústria Timor-Leste nian (CCI-TL, sigla iha dalen portugés), João Alves, Vise-Dekanu Fakuldade Ekonomia UNTL nian, Fernando Batista no Diretór Forum Organizasaun La’ós Governamentál Timor-Leste nian sira (FONGTIL), Arsénio Pereira.
