Mensajen husi Primeiru-Ministru iha Loron Internasionál Feto nian
Loron Internasionál Feto nian selebra ohin, loron 8 fulan-marsu. Iha Timor-Leste, Primeiru-Ministru, Rui Maria de Araújo, lakohi husik liu loron importante ida ne’e, hodi fó hanoin fali kna’ar feto sira nian iha dezenvolvimentu país nian.
Tuir Primeiru-Ministru Timór-oan ne’e, “feto timoroan sira ne’ebé forte, rezistente no hala’o ona kna’ar importante ida ba libertasaun ita-nia nasaun nian. Feto sira kontinua hala’o kna’ar importante ba dezenvolvimentu sustentavel Timor-Leste nian”.
Rui Maria de Araújo hatutan mós katak país tranzisaun ida ho ekonomia subsistensia tradisionál ba sosiedade moderna ida "ne’e maka presiza ita atu harii Timor-Leste sai nu’udar fatin ida ne’ebé iha espetativa ba feto no labarik feto sira, la’os de’it atu te’in, fase roupa, haree labarik no mós haree ferik ho katuas sira, maibé mós atubele partisipa iha moris públiku nian."
Atu lee mensajen ne’e kompletu, klike iha ne’e.
