Governu fó pasu ikus nian sira atu halo análize lejizlativa
Komisaun ba Reforma Lejizlativa no Reforma Setór Justisa (CRL, sigla iha lia-portugés) hala’o sorumutuk ho responsavel ministeriál sira, iha loron 16 fulan-janeiru, atubele prepara ezekusaun metodolojia análize nian kona-ba situasaun lejizlasaun Timor-Leste nian, ne’ebé tenke hahú ona iha fulan-janeiru ne’e nia rohan.
Sorumutuk ida ne’e konta ho partisipasaun husi Diretór-Jerál Estatístika nian no husi pontu fokál sira [ajente kontaktu nian sira] ne’ebé Ministru sira nomeia ona, fó posibilidade ba análize detallada ida ba kestionáriu ezame nian kona-ba situasaun lejizlasaun no relatóriu setoriál nian, ne’ebé CRL propotiha ona.
Dokumentu rua ne’e, setór hotu-hotu tenke haruka ona ba CRL, to’o loron 3 fulan-marsu tinan 2017. Relatóriu nasionál, ne’ebé CRL maka sei elabora, tenke submete ona ba Governu to’o loron 19 fulan-maiu tinan 2017.
