Eleisaun lokál sira remata ona ho volta daruak
Iha konferénsia imprensa ida ne’ebé hala’o iha loron 14 fulan-novembru, loron ida hafoin eleisaun lokál sira ba volta daruak, Diretór Nasionál ba Apoiu Administrasaun Suku nian, Amândio Paulino, fó-sai rezultadu sira husi eleisaun sira ne’e.
Ho eleitór hamutuk 728.363 ne’ebé rejista iha nivel nasionál no kandidatu hamutuk 2.071 ba Xefe Suku, Eleisaun sira iha munisípiu 12 no Zona Espesiál Ambenu la’o ho di’ak no hakmatek. Eleisaun hirak ne’e envolve Suku 442 no Aldeia 2.225 ida-idak iha nasaun laran.
Hafoin volta dahuluk nian, iha ne’ebé maizoumenus 30% husi Xefe Suku sira maka eleitu, sei avansa ba volta daruak, kandidatu na’in rua ne’ebé maka hetan ona votu barak liu iha ronda dahuluk, husi Suku hirak ne’ebé seidauk iha Xefe Suku eleitu.
Atu hatene informasaun ne’ebé detalladu liután, konsulta iha ne’e dokumentu ne’ebé maka aprezenta tiha ona durante konferénsia imprensa ne’e.
