Governu Timor-Leste

Husi loron 26 to’o loron 30 fulan-setembru, grupu ida ne’ebé kompostu husi espesialista na’in-sia, entre Diretór sira, Guarda no Tékniku Superiór sira husi Diresaun Nasionál Servisu Prizionál no Reinsersaun Sosiál Timor-Leste nian, hala’o asaun formasaun ida ho servisu omólogu portugés.

Ninia Objetivu mak atu fó ba delegasaun Timor-Leste nian kontaktu ida boot liu ho prátika no esperiénsia serbisu portugeza nian ne’ebé foka liu ba kontestu prizionál no metodolojia sira intervensaun nian ho prizoneiru sira, nune’e mós iha atividade asesoria tribunál nian sira.

Hafoin analiza pormenór sira husi prosedimentu sira kona-ba ezekusaun pena nian, hala’o ona vizita ba estabelesimentu prizionál Leiria, Tires no Linhó nian, no mós ba Sentru Edukativu Navarro de Paiva, Grupu Intervensaun no Seguransa Penitensiária,  no Delegasaun Rejionál Reinsersaun Súl no Illa sira seluk.

Delegasaun timoroan nian diriji husi Diretór Reinsersaun Sosiál husi Diresaun Nasionál Servisu Prizionál nian sira no Reinsersaun Sosiál, Domingos Ximenes.

Asaun ba formasaun ida ne’e halo parte ba-iha dezenvolvimentu  kooperasaun entre Portugál no Timor-Leste iha área Justisa nian,  ne’ebé asina ona iha loron 25 fulan-fevereiru tinan 2016.

Ba fulan-novembru nian,prevee ona asaun sira formasaun nian ba ofisiál sira Justisa no elementu sira husi serbisu Rejistu sira no Notariadu Timor-Leste nian.

Iha ámbitu Inspesaun no Auditoria husi Ministériu Justisa Timor-Leste nian, sei iha mós formasaun ida iha Inspesaun-Jerál Servisu Justisa nian sira.