Governu insentiva “Dili Weekend Market”
Atu bele haburas no harame atividade komersiál iha Sentru Kapitál Dili iha semana nia rohan Ministériu Komérsiu Industria no Ambiente (MCIA-sigla iha lia-portugés) liuhusi Diresaun Nasionál Regulasaun Komersiál hala’o ona eventu Dili Weekend Market iha Rua de Colmera, iha kapitál Dili.
Eventu ne’e hanesan mós biban idano loke dalanba fa’an na’in sira atu hasa’e sira-nia rendimentu; hamosu negosiante ne’ebé hakarak kria negósiu foun no iha kapasidade hodi dezenvolve atividade komersiál iha futuru no atu dada konsumidór rai laran nian sira hodi sosasasan sira ne’ebé sira presizaiha weekend market no sai nu’udar fatin ida hodi fa’an sasan oinoin ba atividades Turizmu nian.
Dili Weekend Market loke ona iha loron 27 fulan-fevereiru liubá no tuir planu sei sai hanesan programa permanente ida ba tempu oin mai, tanba bazeia ba avaliasaun husi komisaun organizadora, rendimentu ne’ebé grupu fa’an na’in sira hetan la hanesan loron baibain nian. “Bazeia ba rezultadu ne’ebé ita hetan durante semana tolu nia laran, ne’ebé grupu sira hetan rendimentu osan mínimu maka $100 to’o $500” dolar” haktuir Diretór Nasionál Regulasaun Komersiál, Domingos Guterres.
Nia mós hatutan tan katak, ho orsamentu ne’ebé MCIA prepara hamutuk osan dolar rihun 7 hodi harii estabelesimentu Dili Weekend Market no konsege halibur grupu mikro vendedór sira hamutuk 70 ne’ebé fa’an sira-nia produtu hanesan atividade kulinária, uza produtunasionál atividade artezenatu ne’ebé produz husi indústria ki’ik sira no nesesidade sira ne’ebé maka presiza ba loro-loron, elektroníku no seluk tan.
MCIA mós sei fó biban nafatin ba vendedór sira hotu inklui husi munisípiu sira, hodi bele partisipa iha eventu ne’e. “Ita sei iha espasu barak, ami-nia objetivu mak atu bele prienxe to’o vendedór 300 ne’ebé bele fa’an sira-nia produtu iha eventu ne’e”, nia hateten.
Tan ne’e, vendedór sira ne’ebé mak interese hodi bele partisipa iha merkadu ne’e tenke halo kontaktu diretamente ba Diresaun Nasionál Regulasaun Komérsiu iha MCIA liuhusi númeru telefone 77327394, atu bele halo rejistu no hetan númeru tenda nian.
Ba oin iha mós posibilidade atu MCIA husu kontribuisaun ba vendedór sira hodi kontribui ba kofre Estadu. “Daudaun ne’e foin hahú hanoin halo sosializasaun ba grupu vendedór sira, hodiprepara sira atu bele kontribui ba retribuisaun liu-liu ba atu selu sentina, bee moos, estasionamentu ka parajen kareta nian, eletrisidade no mós saneamentu báziku. Retribuisaun ida ne’e sei tama ba-ihareseita MCIA nian maibé sei kria lai konta bankária ida ne’ebé direta ba kofre Estadu nian. MCIA halo mós kooperasaun ho autoridade munisípiu sira nian atu bele rezolve di’ak liu sira-nia nesesidade bázika.
