Ministru Ivo Valente partisipa iha Kongresu Internasionál IX Ministru sira Justisa nian
Ministru Justisa nian Ivo Valente, iha loron 22 no 23 fulan-fevereiru partisipa iha Kongresu Internasionál IX Ministru sira Justisa nian iha Roma, Itália.
Nu’udar Ministru Justisa no Prezidente ba Konferénsia Ministru sira Justisa nian iha Nasaun Lia-Ofisiál-Portugés, durante hala’o diskursu Ivo Valente hatete katak nasaun sira hotu CPLP nian (sigla iha lia-portugés) “halakon tiha kastigu oho nian, hanesan hahalok ne’ebé labele tolera ba dignidade ema nian no hanesan mós violasaun ida ba direitus umanus.”
Direitus umanus ne’ebé dahuluk no fundamentál liu maka direitu ba moris, nu’udar hatur mós iha Konstituisaun Timor-Leste nian,” nia hatutan.
Ministru Ivo Valente rekoñese kna’ar importante Igreja Katólika nian iha Timor-Leste, “hodi simu ema hotu nia terus, hodi tau iha konsiderasaun ba defeza sira-nia direitu fundamentál sira.”
Kongresu ne’e, ho tema“Mundu ida laiha kastigu oho nian - Laiha Justisa laiha Moris”, promove husi Prezidente Komunidade San’t Egidio nian, Marco Impagliazzo, no nu’udar aprezentadór Ministru Justisa Italianu nian Andrea Orlando. Konta ho partisipasaun husi Ministru sira Justisa nian nasaun 30 liu, reprezentante husi país abolisionista nian sira, nune’emós nasaun hirak ne’ebé mak sei mantein pena kapitál, hanesan ezemplu Vietname no Somália.
