Primeiru-Ministru partisipa iha Kongresu da-IV AMTL nian
Primeiru-Ministru, Rui Maria de Araújo, partisipa iha KongresuAsembleia Jerál nian ba da-IV husi Asosiasaun Médiku Timor-Leste nian [Associação dos Médicos de Timor-Leste] (AMTL).Tema husi kongresu ne’e maka “Hametin ezisténsia AMTL nian hodi promove saúde di’ak ba povu Timor-Leste ”. Kongresu ne’e hala’o iha sábadu ne’e, loron 30 fulan-janeiru, iha salaun Esperança, Aimutin, Díli.
Primeiru-Ministru nu’udar fundadór no membru AMTL nian, hateten katak profisaun médiku nian kona-ba númeru boot no iha preparasaundi’ak liu iha sosiedade Timor-Leste nia laran.
Xefe Governu fó hanoin mós katak esforsu husi médiku sira atu organiza aan iha profisaun médiku Timor-Leste nian hahú tiha ona iha okupasaun Indonezia nian. Xefe ezekutivu mós tenik tan katak médiku sira iha responsabilidadi boot iha sosiedade Timor-Leste kona-ba sira-nia kontribuisaun ba dezenvolvimentu, la’ós de’it iha área saúde nian maibé mós atu dinamiza dezenvolvimentu sósiuekonómiku iha nasaun ida ne’e.
Primeiru-Ministru hetan votu maioria atu sai Prezidente Meza ba Kongresu Asembleia Jerál nian. Durante kongresu ne’e trata asuntu importante tolu: halo apresiasaun ba realtóriu atividade no kontas nian husi Diresaun Ezekutiva ba períudu 2012-2015; halo revizaun ba estatutu AMTL;halo eleisaun ba Diresaun Ezekutiva Nasionál no órgaun konsultivu sira ba períudu 2016-2019. Sesaun sira ne’e hotu hala’o iha ambiente diskusaun ne’ebé nakloke no demokrátiku, ho partisipasaun ativu husi membru sira hotu.
Primeiru-Ministru hakotu ninia serbisu no hato’o nia votu susesu ba Diresaun Ezekutiva no Órgaun Konsulta Nasionál AMTL nian, agradese ba serbisu no dedikasaun tomak husi Diresaun Ezekutiva períudu ida uluk nian no mós ba komisaun adhoc ne'ebé organiza Kongresu da-IV nian ne’e.
Kongresu AMTL nian ne’e termina ho misa, tomada pose Diresaun Ezekutiva Nasonál foun, no han-kalanr konfraternizasaun entre membru sira AMTL nian.
Partisipa mós iha Kongresu da-IV AMTL nian, Ministra Saúde Maria do Céu Sarmento Pina da Costa, eis Ministru Saúde Dr. Sérgio Lobo no médiku sira hotu ne’ebé hamahun an iha AMTL.
