Festivál Múzika hodi loke semana kulturál husi Forun II Sosiedade Sivíl CPLP nian
Palásiu Governu nian, iha Dili, sei sai hanesan palku ba Festivál Múzika CPLP nian, iha loron 11 fulan-jullu, hahú tuku 7 hobalun kalan. Festivál ne’e maka loke ofisialmente programa semana kulturál husi Forum II Sosiedade Sivíl Komunidade Nasaun Lian Portugés sira (CPLP, sigla iha lian portugés ) no sei konta mós ho prezensa Primeiru-Ministru, Rui Maria de Araújo nian.
Banda husi Eskola Portugueza Rui Cinatti, “Teki Toke”, loke Festivál Múzika ne’e, ne’ebé, iha parte dahuluk nian, sei konta mós ho REalphabetika – Mito Elias – ho vídeo poema no múzika luzófona nian sira. Parte daruak nian sei dedika ba múzika timor, portugés, brazíl no áfrika nian sira.
Aleinde Festivál Múzika ne’e, eventu kulturál sira seluk, ne’ebé iha relasaun ho Fórum ne’e, harame kapitál Timor-Leste nian, maka hanesan espozisaun, loke sinema, lansamentu livru, konsertu, feira livru nian no konferénsia.
Forum II CPLP nian sei hala’o husi loron 13 to’o loron 17 fulan-jullu, iha Ministériu Negósius Estranjeirus no Kooperasaun.
Atu haree ajenda detallada Fórum II CPLP nian no eventu kulturál hirak ne’ebé iha relasaun ho Forum ne’e, klike iha ne’e.
