Governu Timor-Leste

Arkivu no Muzeu Reziténsia Timorense loke, to’o loron 3 fulan-jullu, espozisaun kona-ba “Patrimóniu Úniku ida-Arkivu Nasionál Timor-Leste nian”. Ne’e hanesan amostra ida kona-ba kolesaun ba Arkivu Nasionál Timor-Leste nian no servisu ne’ebé mak instituisaun dezenvolve hodi rai didi’ak no habelar fundu dokumentál sira.

Espozisaun ne’e, ne’ebé halo parte série ida hosi eventu sira ne’ebé maka hala’o hela, iha ámbitu Forum II Sosiedade Sivíl CPLP nian, ne’ebé inaugura ona iha Loron Internasionál ba Arkivu sira (loron 9 fulan-juñu tinan 2015) hosi Ministru Estadu, Koordenadór Asuntu Administrasaun Estadu no Justisa nian, Dionísio Babo, iha prezensa Embaixadór Portugál nian, Manuel de Jesus no Embaixadór Brazíl nian, José Amir Dornelles.

Ho tulun husi Gabinete Apoiu ba Sosiedade Sivíl hosi Gabinete Primeiru-Ministru nian no organizasaun hamutuk husi Museu Rezisténsia no Arkivu Nasionál, espozisaun ne’e ho objetivu atu kontribui hodi rai didi’ak no habelar memória istórika nasionál no mós, hodi kontribui ba difuzaun istória Timór nian ho Estadu-membru sira CPLP (Komunidade Nasaun sira Lian Portugés nian).

Muzeu no Arkivu Nasionál hanesan parseiru ba prezervasaun no divulgasaun ba memória istórika nasionál nian. Koñesimentu kon-ba funsaun arkivu sira hosi sosiedade sivíl fó apoiu ba esforsu nasionál hodi salvaguarda dokumentasaun ne’e. Uniaun rekursu nian sira buka hodi garante kumpri meta sira ne’ebé mak estabelese ona hosi Governu Timór ba-iha Planu Estratéjiku Dezenvolvimentu (PED) tinan 2011-2030 nian, ne’ebé hateten katak “riku-soin loloos kualkér nasaun nian maka povu nia kbiit”.