Governu Timor-Leste

Ministru Estadu Koordenadór Asuntu Sosiál no Ministru Edukasaun, Dr. Fernando La Sama de Araújo, mate, ohin, loron 2 fulan-juñu tinan 2015, iha tuku 8.30, iha Ospitál Nasionál Guido Valadares, iha Díli.

Konsellu Ministrus, dekreta, iha sorumutuk estraordináriu, ohin dadeer-san, Lutu Nasionál, ne’ebé sei hala’o to’o tuku 24.00, loron 5, fulan-juñu, no deside ona atu propoin ba Prezidente Repúblika atu fó  kondekorasaun ho títulu póstumu.

Governu hato’o ninia pezar ne’ebé kle’an tebes tanba lakon ninia membru ida no durante sorumutuk ne’e,  hakmatek durante minutu 1 hodi fó omenajen ba matebian.