SEAPSEM Asina MoU ho Triangle Generation Humanitaire kona-ba violensia doméstika
Sekretaria Estadu ba Apoiu no Promosaun Sósiu-Ekonómika ba Feto (SEAPSEM) ho Triangle Generation Humanitaire, asina Nota Entendimentu (MoU) iha projetu “atu hametin sosiedade sivil kona-ba protesaun di’ak ba vitima labarik no feto husi violensia”. Serimonia asinatura ne’e halo iha loron 12 fulan Marsu 2015, iha Díli.
Seremonia ida ne’e hala’o ho prezensa hosi representate delegasaun União Europeia iha Timor-Leste no parseiru lokál husi projetu, hanaran; Casa Vida, Rede Feto, Fokupers, APSC-TL no PRADET. Asinatura akordu ida ne’e reafirma ho boa vontade ba parseiru hotu-hotu atu mantein kolaborasaun ne’ebé mak metin no ho signifikadu ho sira nia kompromisu atu hapara violensia doméstika iha sosiedade Timor laran.
Sekretária Estadu ba Apoiu no Promosaun Sósiu-Ekonómika, Veneranda Lemos Martins, hato’o kona ba importansia atu dezenvolve estratéjia ne’ebé mak sustentavel iha asaun notuir prosesu atu nune bele aplika issu kona-ba Violensia baseia ba jeneru iha Timor-Leste.
Projetu nee implementa iha Planu Asaun Nasional ba violensia baseia ba jeneru nia okos no Lei hasoru Violensia Domestika (LHVD). Atu atinji ba objektivu sira ne’e, projetu ne’e, sei hala’o iha área intervensaun rua: premeiru; ho objetivu atu haforsa organizasaun, jestaun no kapasidade tékniku ba organizasaun lokál atu asisti vitima violensia doméstika no segundu; ho hanoin atu kontribui ba esforsu jeral atu previne violensia bazeia ba jéneru iha Timor-Leste liu husi implementasaun kona-ba kampaña muda hahalok.
Projetu ne’e sei halao too iha fim de Setembru 2016 iha Bobonaro, Covalima, Oekusi Ambeno no Dili.
