Governu Timor-Leste

Ministru Defeza Repúblika Demokrátika Timor-Leste (RDTL), Cirilo Cristovão vizita ba Akademia Nasionál Defeza Japaun iha loron 19 Marsu 2015, simu hosi Prezidente Akademia Nasionál Defeza iha Yokosuka, parte súl Tokyo.

Objetivu husi vizita ne’e atu haree besik liutan progresu hosi membru F-FDTL sira, ne’ebé estuda hela iha fatin ne’e.

Iha sorumutu ho ho membru F-FDTL na’in 11 iha Akadema ne’e,  Ministru Defeza Cirilio hateten,  vizita ne’e atu halo mós avaliasaun aprovietamentu no progresu sira durante estuda iha Akademia Nasionál Defeza, Japaun.  “Primeiru turnu ne’e, hanesan loke dalan ba Estadu no Governu Timor-Leste atu hametin liutan kooperasaun ho Governu Japaun iha área formasaun Militar,” Ministru esplika.

Jonatos Filomeno Long, formandu iha área espesilista Siénsia Komputadór senti kontente, tanba hetan tan esperiensia no koñesimentu siénsia foun iha akdemeia ne’e, maske lingua Japaun sai difikuldade durante kursu ne’e.

Atu rezolve problema lingua ne’e, Xefe Estadu Maior, F-FDTL, Koronel Falur Rate Laek hateten, “ “Governu kompromete ona katak, Ministériu Defeza sei halo preparasaun, liuhusi fó uluk kursus lia Japaun durante fulan neen iha Bali, Indonézia, antes haruka kandidatu sira tuir estudu ka formasaun  iha Akademia Defeza ida-ne’e”.

Formandu sira ne’e foti área formasaun ba konstrusaun sivil, naval, siénsia komputadór no mekániku. Integra iha delegasaun Ministru nian mak Embaixadór TL ba Japaun, Diretór Dirasaun Nasionál Planeamentu Estratéjiku Polítiku Internasional (DNPEPI) husi Ministériu Defeza.