Governu Timor-Leste

Primeiru-Ministru Timor-Leste nian, Dr. Rui Araújo, hetan alta horseik, husi National University Hospital de Singapura (NUHS) nian, no daudaun ne’e nia hela iha otel ida to’o fila hikas mai Dili. Aban sesta-feira, sei halo fali nia ezame médiku ikus molok fila hikas mai Timor-Leste.

Ohin dader, Primeiru-Ministru hasoru-malu iha sorumutuk kortezia nian ida ho Ministru Negósius Estranjeirus Singapura nian, K. Shanmugam atu agradese  ospitalidade no tulun ne’ebé hetan durante tratamentu, no atu hato’o mós Timor-Leste nia solidariedae ba estadu saúde Ministru Mentor Lee Kuan Yew.

Tuir informasaun mai husi Ministru Negósius Etranjeirus no Kooperasaun, Hernâni Coelho, iha NUHS, katak Dr. Rui Araújo halo análize lubuk ida maibé análize hirak ne’e hatudu preokupasaun ruma ba Primeiru-Ministru nia saúde tanba di’ak hela.

Orseik,  Primeiru-Ministru, hala’o sorumutu ho diresaun ospitál hodi agradese ba dedikasaun no kuidadu hirak ne’ebé ekipa médika halo ba nia no aproveita mós, iha biban ida ne’e hodi fó hanoin fali ba-iha kooperasaun ne’ebé estabelese ona ba área saúde nian entre Timor-Leste no NUHS durante tinan rua nia laran ona.

Primeiru-Ministru timoroan iha Singupura hahú kedas iha segunda-feira lorokraik, hafoin baixa iha Ospitál Nasionál Guido Valadares nian, iha Díli, tanba sente ladun diák iha domingu kalan, hafoin fila hikas husi vizita serbisu nian ida ba Ainaru.