"Governu komprometidu atu previne no kombate korrupsaun"
Primeiru-Ministru, Rui Maria de Araújo, hala’o vizita ba Komisaun Anti Korupsaun, KAK, iha loron sesta loron, data 27, fulan Fevereiru, tinan 2015. Tuir Primeiru-Ministru, vizita mai KAK ne’e atu hatene di’ak liu tán kondisaun servisu no prosedimentu ne’ebé iha tanba difikuldade sira ne’ebé enfrenta, manifesta mós.
Governu komprometidu ho papél ne’ebé mak Governu iha atu previne no Kombate Korrupsaun. Primeiru-Ministru mós hatutan katak, hosi pontu de vista instituisionál, la’ós de’it Komisaun Anti Korupsaun (KAK) mak iha devér atu kombate korupsaun, maibé Governu mós iha aktu kombate mós korupsaun.
Primeiru-Ministru mós hatutan, husi pontudevista Governu nian atu halo mós manifesta preokupasaun ne’e ba KAK hodi depois haree ne’e ba oin hanesan motto KAK nian, hateten “Hamutuk ita Kombate Korupsaun”.
Iha servisu lor-loron, KAK enfrenta dezafiu hanesan orsamentu, kooperasaun Administrasaun Publiku ba servisu Investigasaun no seguransa ba pessoál KAK.
Kona-ba lei KAK, PM husu atu KAK halo lalais revizaun ba lei KAK no submete ba Konsellu Ministru atu halo diskusuan no parovasaun, hodi haruka fali ba parlamentu nasionál atu diskuti no aprova sai lei.
Vizita Primeiru-Ministru ba Komisaun Anti Korupsaun (KAK), akompania hosi Ministru Estadu Koordenadór ba Administrasaun Estado no Justisa no Ministru Administrasaun Estatal, Dionisio Babo Soares, no simu direitamente hosi Komisáriu Adérito Tilman.
