Ministru Negósiu Estranjeiru no Kooperasaun Hasoru Malu ho Prezidente Parlamentu Nasionál Indonésia
Ministru Estadu no Negósiu Estranjéiru no Koperasaun, José Luís Guterres, akompaña hosi Embaixadór Timor Leste ba Indonésia, José Manuel Serrano, hala’o vizíta kórtezia ba Prezidente Parlamentu Nasionál Indonésia, Setya Novanto, iha Jakarta, loron 13 fulan Janeiru 2015.
Objetivu atu hametin liutan lasu amizade no koperasaun bilaterál entre nasaun rua ne’e. Iha enkontru, lider na’in rua ne’e mós fahe informasaun ba malu kona-ba prosesu dezenvolvimentu politíku no ekonómiku.
Iha oportunidadene’e, Ministru José Luís Guterres mós esplika ba Prezidente Parlamentu Nasionál Indonésia, kona-ba politíka externa ne’ebé Timor-Leste hala’o no servisu hamutuk durante ne’e entre nasaun rua iha nivel global.
“Ha’u hato’o mós Prezidente Parlamentu Nasionál Timor-Leste nia lia menon atu iha futuru halo relasaun di’ak ho Parlamentu Indonésia. Prezidente Parlamentu Indonésia, Setya Novanto expresa vontade di’ak atu kria relasaun di’ak ho Parlamentu Nasionál Timor-Leste,” José Luís dehan.
