Governu Timor-Leste

Ministériu Administrasaun Estatál liuhusi Diresaun Arkivu Nasionál, organzia semináriu Nasional ho tema “Importansia Arquivo Nasionál ba Boa Governasaun no Dezenvolvimentu Nasionál”  iha iha Ótél Timór, Dili, loron 5 Setembru 2014.

 Ministru Administrasaun Estatál, Jorge da Conceiçao Teme, iha abertura kongratula no agradese ba atividade programa Governu Konstitusionál V, ne’ebé proteje entidade nasionál hodi enkoraja no insentiva prezervasaun kultura, liu husi reparasaun, manutensaun no hadia dokumentu históriku no ofisiais  sira iha país nee.

Tuir Ministru, arkivu nasional mak entidade públika, iha natureza institutu públiku, iha kualidade personalidade jurídika, autonomia administrativa, finanseira no patrimoniál, pertense ba administrasaun indireta Estadu nian ne’ebé tutela husi Ministériu Administrasaun Estatál, bazeia ba Lei órgânika Ministériu Administrasaun Estatál,  aprova ona ho Dekretu-lei n.º 7/2013, loron 22 Maiu.

Arkivu Nasionál iha kompetênsia no responsabilidade importante tébes ba konstrusaun Estadu, manutensaun no preservasaun identidade histórika no kulturál, hanesan povu úniku no próprio.

Iha parte seluk, Diretór Jerál Interinu Arkivu Nasionál, Hermes da Rosa informa objetivu semináriu ne’e atu bolu atensaun ba publiku hodi fó importansia ba arkivu nasionál. No fortifika implementasaun sistema nasionál arkivu iha administrasaun públika, ne’ebé uniformizadu.

“ Seminariu ne’e bele hamosu ideia konstrutivu atu fó vantajen ba dezenvolve arkivu nasionál ba futuru.

Oradores semináriu ne’e mak hanesan dr. Faustino Cardoso, Eis Vise Primeiru-Ministru iha Governasaun AMP, Enj. Mário Viegas Carasclão no mós espesialista iha arkivu dra. Helena de Medeiros, ne’ebé aprejenta kona-ba papél arkivu nasionál hodi apoiu boa governasaun, dezenvolvimentu nasionál no sistema nasionál arkivu ba administrasaun públika iha Timor-Leste.