MPRM Loke Bolseiru Lisensiadu iha UGM
Ministériu Petroleu no Rekurusu Minerais (MPRM), liuhusi Departamentu Bolsu de Estudu no Relasaun Internasional – BELI, foin dadaun iha UGM Jorjakarta, Indonezia, asina akordu Implementasaun no Estensaun ho Universidade Gajah Mada (UGM), loke oportunidade Bolsieru, ba sira ne’ebé remata lisensiadu atu kontinua estudu mestradu iha universidade refere.
Xefé Departamentu Bolsu de Estudu no Relasaun Internasional, Ana Lucinda Ribeiro hateten, alemde asina ona akordu Implementasaun, halo mós revizaun ba kontiudu estensaun akordu husi 2014 to’o 2015.
“Ita bele aselera prosesu, atu fó oportunidade ba ita-nia bolseiru sira ne’ebé hetan notas di’ak no kualifikadu, wainhira remata lisensiadu bele kontinua nafatin sira-nia estudu ba nivel mestradu iha UGM,” Ana Lucinda Ribeiro hateten.
“Ministériu hotu iha oportunidade hetan bolseiru, atu kontinua estudu mestradu. Bele halo proposta ba MPRM no tenki kumpri kriteriu sira hatur iha akordu ne’e”, nia dehan tan.
Total Bolseiru MPRM iha UGM hamutuk na’in 36. Na’in tolu graduadu (mane rua no feto ida). Husi ba’in 33 mak sei iha UGM, mane na’in 25 no feto na’in 11.
