Komunikadus
- 18 maiu 2018Toleránsia Pontu Aniversáriu Restaurasaun Independénsia nian da-16Prezidénsia Konsellu Ministrushare tan
VII Governu Konstitusionál
..............................................................................................................................
Dili, loron 18 fulan-maiu tinan 2018
Toleránsia Pontu Aniversáriu Restaurasaun Independénsia nian da-16 
10 maiu 2018Sorumutuk Estraordinária Konsellu Ministrus nian iha loron 10 fulan-maiu tinan 2018Aprovasaunhare tan
1 - Dekretu Governu nian kona-ba pagamentu suplementár estraordináriu ba funsionáriu sira husi Ministériu Administrasaun Estatál no Ministériu Planu no Finansas ne’ebé serbisu durante prosesu eleisaun parlamentár
2 - Deliberasaun Konsellu Ministrus nian kona-ba promosaun Ofisiál Superiór na’in-haat FALINTIL-Forsa Defeza Timor-Leste nian (F-FDTL) ba Ofisiál Jenerál
3 - Rezolusaun Governu nian ne’ebé nomeia Diretór Ezekutivu Servisu Rejistu no Verifikasaun Emprezariál, Institutu Públiku (SERVE I.P.)- 08 maiu 2018Toleránsia PontuPrezidénsia Konsellu Ministrushare tan
VII Governu Konstitusionál
..............................................................................................................................
Dili, loron 8 fulan-maiu tinan 2018
Toleránsia Pontu
Liuhusi despaxu kona-ba toleránsia pontu ba realizasaun Eleisaun Parlamentár tinan 2018 nian, ne’ebé publika iha loron 3 fulan-maiu tinan 2018, Governu deside hodi fó toleránsia pontu iha loron 10, 11 no 14 fulan-maiu tinan 2018 ba funsionáriu no ajente hotu-hotu husi ministériu no servisu sira ne’ebé depende ba ministériu sira-ne’e, nune’e mós husi institutu no organizmu sira ne’ebé integra iha Administrasaun Indireta Estadu nian ne’ebé hela ka serbisu iha Rejiaun Administrativa Espesiál Oekusi Ambenu, maibé halo resenseamentu iha munisípiu seluk país nian atu ezerse sira-nia direitu votu nian. - 08 maiu 2018Governu estende prazu to’o loron 31 fulan-maiu tinan 2018 ba regularizasaun jogu lotaria sira hotuPrezidénsia Konsellu Ministrushare tan
VII Governu Konstitusionál
..............................................................................................................................
Dili, loron 6 fulan-maiu tinan 2018
Governu estende prazu to’o loron 31 fulan-maiu tinan 2018 ba regularizasaun jogu lotaria sira hotu
Iha loron ikus hirak-ne’e, públiku hato’o ona preokupasaun balun kona-ba suspensaun jogu lotaria sira husi Ministériu Turizmu Governu Konstitusionál VII.
Portavós ofisiál Governu nian, Sekretáriu Estadu Konsellu Ministrus no Komunikasaun Sosiál, Matias Boavida, deklara katak “Governu sei la taka jogu lotaria sira hotu, maibé suspende provizóriu de’it ba sira-nia atividade to’o sira loke konta bankária iha Banku Nasionál Komérsiu Timor-Leste (BNCTL-sigla iha lian portugés)”.
“Governu ne’e, liuhusi Ministériu Turizmu, fó ona instrusaun katak kona-ba prazu atubele prienxe rekizitu administrativu sira hotu no loke konta iha BNCTL nian sei estende tan to’o loron 31 fulan-maiu tinan 2018 oinmai”, tenik Sekretáriu Estadu Matias Boavida. REMATA
*Ba informasaun adisionál saida de’it, halo favor,bele kontaktu ho Carlito Caminha liuhusi númeru (+670) 78103395 - 07 maiu 2018Primeiru-Ministru, Dr.Marí Alkatiri, la interfere iha independénsia judisiálPrezidénsia Konsellu Ministrushare tan
VII Governu Konstitusionál
..............................................................................................................................
Dili, loron 6 fulan-maiu tinan 2018
Primeiru-Ministru, Dr.Marí Alkatiri, la interfere iha independénsia judisiál
Partidu polítiku balun, liuhusi sira-nia servisu notisiozu sira, fó sai informasaun falsu kona-ba serbisu setór justisa nian. Liuliu, iha loron hirak ikus nian ne’e, publika ona informasaun katak Primeiru-Ministru, Dr.Marí Alkatiri, fó ona orden hodi hapara auditoria ba ZEESM, ne’ebé hala’o husi Kámara Kontas nian ne’ebé Primeiru-Ministru rasik maka husu.
Portavós ofisiál Governu nian, Sekretáriu Estadu Konsellu Ministrus no Komunikasaun Sosiál, Matias Boavida, deklara katak “ne’e la’ós karaterístika husi Primeiru-Ministru, Dr.Marí Alkatiri, hodi interfere serbisu setór justisa nian, Na’i Ulun ne’e lahanesan sira seluk”. Sidadaun sé de’it ne’ebé maka hakarak hatene lia-loos kona-ba informasaun falsu ne’e tenke halo konfirmasaun ba Kámara Kontas nian”, tenik Sekretáriu Estadu Matias Boavida.
“Auditoria ba ZEESM no entidade sira seluk no instituisaun públika sira ne’ebé maka hala’o ona, ho forma independente, husi Kámara Kontas, no tanba ne’e Governu laiha podér atu impede netik sira-nia servisu”, afirma Sekretáriu Estadu ne’e. REMATA
Ba informasaun adisionál saida de’it, halo favór, bele kontaktu ho Carlito Caminha liuhusi nu.(+670) 78103395 - 03 maiu 2018Toleránsia Pontu ba Realizasaun Eleisaun Parlamentár tinan 2018Prezidénsia Konsellu Ministrushare tan
VII Governu Konstitusionál
..............................................................................................................................
Dili, loron 3 fulan-maiu tinan 2018
Toleránsia Pontu ba Realizasaun Eleisaun Parlamentár tinan 2018
Governu deside hodi fó toleránsia pontu iha sesta-feira mai ne’e, loron 11 fulan-maiu, loron ne’ebé molok realiza eleisaun parlamentár tinan 2018 nian, ba funsionáriu hotu-hotu no ajente husi ministéiru no servisu hirak ne’ebé depende ba ministéiru sira-ne’e, nune’e mós husi institutu no organizmu hirak ne’ebé integra iha administrasaun indireta Estadu nian, atunune’e sidadaun resenseadu sira ne’ebé la hela iha munisípiu ne’ebé sira inskreve ba, bele ba iha tempu ne’ebé loloos hodi ezerse sira-nia direitu votu nian.
Deside mós hodi fó toleránsia pontu iha loron 10, 11, no 14 fulan-maiu tinan 2018 ba funsionáriu hotu-hotu no ajente husi ministériu no servisu hirak ne’ebé depende ba ministéiru sira-ne’e, nune’e mós husi institutu no organizmu hirak ne’ebé integra iha administrasaun indireta Estadu nian ne’ebé hala’o sira-nia resenseamentu iha Rejiaun Administrativa Espesiál Oekusi Ambenu, maibé la hela ka la serbisu iha rejiaun ne’ebá.
Ikusliu, fó mós indikasaun ba dirijente sira husi estabelesimentu ensinu públiku no privadu atu bele fó mós lisensa ne’ebé hanesan kona-ba devér asiduidade ba estudante sira ne’ebé resenseadu iha Rejiaun Administrativa Espesiál Oekusi Ambenu nian ne’ebé la estuda iha rejiaun ne’ebá, atunune’e sira bele ezerse sira-nia direitu votu nian. REMATA 
04 abril 2018Sorumutuk Konsellu Ministrus nian iha loron 4 fulan-abril tinan 2018Prezidénsia Konsellu Ministrushare tan
VII Governu Konstitusionál
..............................................................................................................................
Komunikadu Imprensa
Sorumutuk Konsellu Ministrus nian iha loron 4 fulan-abril tinan 2018
Governu hala’o sorumutuk iha Palásiu Governu, iha Dili, no aprova ona proposta kona-ba Dekretu-Lei ne’ebé estabelese rejistu nasionál kona-ba rό sira Timor-Leste nian, ne’ebé aprezenta husi Vise-Ministru Dezenvolvimentu ba Transportes no Komunikasoins, Inácio Moreira. Dekretu-Lei ida-ne’e hatuur norma hirak ne’ebé presiza atu halo rejistu kona-ba rό sira timor nian, hodi fό ba ró sira ne’e direitu ida atu hasa’e bandeira Timor-Leste, tuir lejizlasaun nasionál ne’ebé vigora no konvensaun internasionál sira kona-ba Direitu Tasi nian ne’ebé Timor-Leste ratifika ona, hodi garante seguransa no rekizitu tékniku sira ne’ebé presiza atu ró sira ne’e bele la’o iha tasi-laran.
Vise-Ministru Dezenvolvimentu ba Transportes no Komunikasoins aprezenta mόs proposta kona-ba Dekretu-Lei, ne’ebé Governu aprova ona, kona-ba organizasaun servisu inspesaun nian ba rό sira ho objetivu atu kria mekanizmu sira kona-ba prevensaun asidente no dezastre sira iha tasi laran, hodi promove seguransa husi sidadaun sira ne’ebé mak uza transporte tasi nian, sasán sira tula iha ró, ambiente tasi nian no kualidade servisu ne’ebé halo, tuir regra no padraun internasionál sira ne’ebé estabelese tiha ona.
Konsellu Ministrus aprova ona proposta kona-ba Rezolusaun Governu nian, ne’ebé aprezenta husi Ministru Planu no Finansas, Rui Augusto Gomes, kona-ba subsídiu ba kandidatu sira Eleisaun Prezidensiál nian iha tinan 2017, hodi define katak subvensaun ne’e sei hala’o diretamente husi Ministériu Planu no Finansas.
Ikusliu, Grupu SACOM ENERGIA, holding Timorense, aprezenta ona ba Konsellu Ministrus, ninia projetu iha Hera, kompostu husi parte rua, portu ida ho medida 600m atubele hatún sasán husi rό ho kapasidade médiu, no terminál ida atu tau kombustivel, ho objetivu atu hasa’e kapasidade enerjia país ne’e nian. Projetu ida ne’e, ne’ebé ninia investimentu tomak maihusi privadu, ninia valόr totál maka maizoumenus dolar amerikanu millaun sanulu resin rua. REMATA
28 marsu 2018Sorumutuk Konsellu Ministrus nian iha loron 28 fulan-marsu tinan 2018Prezidénsia Konsellu Ministrushare tan
VII Governu Konstitusionál
..............................................................................................................................
Komunikadu Imprensa
Sorumutuk Konsellu Ministrus nian iha loron 28 fulan-marsu tinan 2018
Governu hala’o sorumutuk iha Palásiu Governu, iha Dili, no aprova ona proposta ba Dekretu-Lei kona-ba estatutu kompañia Murak-Rai Timor, S.A., nian ne’ebé aprezenta husi Ministru Estadu no Ministru Rekursus Minerais, Mariano Assanami Sabino. Murak-Rai Timor, ho kapitál sosiál tomak maihusi Estadu, ninia objetu mak atu hala’o atividade mineira sira, ne’ebé inklui atividade rekoñesimentu, peskiza, avaliasaun, dezenvolvimentu, esplorasaun no tratamentu, prosesamentu, refinasaun no komersializasaun rekursu minerál sira. Empreza ne’e sei fó dalan ba Estadu hodi halo operasaun iha setór mineiru, iha rai-laran no iha rai-li’ur, iha kondisaun ne’ebé hanesan ho empreza privada sira seluk husi setór ne’e, no garante dezenvolvimentu husi setór rekursu minerál sira nian, fonte prinsipál ida mós husi rendimentu nasionál, no mós aumentu husi kapasidade atu fó serbisu ba sidadaun nasionál sira.
Vise-Ministru Dezenvolvimentu ba Transportes no Komunikasoins, Inácio Freitas Moreira, aprezenta ona proposta ba Dekretu-Lei kona-ba estabelesimentu norma sira iha área seguransa iha aviasaun sivíl nian, atubele proteje aviasaun sivíl hasoru aktu interferénsia ilísita ne’ebé bele fó risku ba seguransa aviasaun sivíl nian, tuir aneksu 17 husi Konvensaun Xikagu nian kona-ba Aviasaun Internasionál ne’ebé ratifika ona husi Estadu Timor iha tinan 2004, liuhusi Rezolusaun Parlamentu n.12/2004, loron 9 fulan-dezembru. Proposta lejizlativa ne’e hetan ona aprovasaun husi Konsellu Ministrus, ho adaptasaun ne’ebé prevee koordenasaun entre Autoridade Aviasaun Sivíl no entidade responsavel ba jestaun aeroportu Rejiaun Administrativa Espesiál Oekusi Ambenu (RAEOA) nian. REMATA
