Governu Timor-Leste

Komunikadus

• 13 maiu 2026Sorumutu Konsellu Ministrus loron 13 fulan-maiu tinan 2026

  Aprova ona:
  
  ✅ 1 - Alterasaun dahuluk ba OJE 2026 - OJE Retifikativu;
  
  ✅ 2 - Autorizasaun ba selebrasaun akordu finansiamentu ho Uniaun Europeia kona-ba asaun “Kriasaun no Dezenvolvimentu Negósiu Sustentável no Ekonomia Sirkulár (CRESCE)”;
  
  ✅ 3 - Autorizasaun ba konkluzaun akordu finansiamentu ho Uniaun Europeia kona-ba asaun “Governasaun Eletrónika ba Sistema Judisiál iha Timor-Leste (e-JUS TL)”;
  
  ✅ 4 - Medida sira atu hametin seguransa públika no prevene violénsia.

  hare tan
• 30 abril 2026Timor-Leste lamenta ho John M. Miller nia mate

  Governu Repúblika Demokrátika Timor-Leste hato’o nia laran-triste kle’an kona-ba John M. Miller nia mate, foin lalais ne’e iha Novaiorke, ne’ebé saudozu nu’udar ko-fundadór no eis-Koordenadór Nasionál East Timor and Indonesia Action Network (ETAN) no mós belun kleur ona ba povu Timór.

  hare tan
• 30 abril 2026Sorumutu Konsellu Ministrus loron 30 fulan-abril tinan 2026

  Aprova ona:
  
  
  ✅ 1 - Despeza ne’ebé relasiona ho kontratu konstrusaun ba projetu irrigasaun Laueli
  
  
  ✅ 2 - despeza ba selebrasaun Kontratu Subvensaun ida entre Ministériu Petróleu no Rekursus Minerais ho TIMOR GAP, EP;
  
  
  Analiza ona:
  
  
  ➡️1 - Memorandu Entendimentu ho Governu Brunei Darussalam, ho objetivu atu hametin kooperasaun iha setór enerjia.
  
  
  ➡️2 - Memorandu Entendimentu ho Governu Brunei Darussalam, relasiona ho kooperasaun iha área saúde nian.

  hare tan
• 22 abril 2026Sorumutu Konsellu Ministrus loron 22 fulan-abril tinan 2026

  Aprova ona:
  
  ✅ 1 - Alterasaun dahuluk ba Rejime Dívida Públika;
  
  ✅ 2 – Votu pezar ba Ministru Ensinu Superiór, Siénsia no Kultura, José Honório da Costa Pereira Jerónimo nia mate;
  
  ✅ 3 - Ezonerasaun dirijentes servisus iha RAEOA no nomeasaun ba Prezidente, Sekretárius no Diretór Rejionál sira RAEOA nian;
  
  ✅ 4 - Taxas ne’ebé tenke selu ba atus no servisus Administrasaun Públika nian relasiona ho veíkulu motorizadu no nia kondutór sira.

  hare tan
• 21 abril 2026Governo manifesta profundu pezar ba Ministru Ensinu Superiór, Siénsia no Kultura José Honório da Costa Pereira Jerónimo nia mate

  Ho laran triste ne’ebé kle’an Governu Timor-Leste ohin, loron 21 fulan-abríl tinan 2026, simu notísia, kona-ba Ministru Ensinu Superiór, Siénsia no Kultura, José Honório da Costa Pereira Jerónimo ninia mate ne’ebé ita hotu la espera.

  hare tan
• 15 abril 2026Sorumutu Konsellu Ministrus loron 15 fulan-abril tinan 2026

  Aprova ona:
  
  ✅ 1 - Kriasaun Grupu Traballu Interministeriál ba Akompañamentu Projetu Konstrusaun Sentru Internasionál Konvensoins nian.
  
  ✅ 2 – Alterasaun dahuluk ba Orgánika Ministériu Negósius Estranjeirus no Kooperasaun nian;
  
  ✅ 3 – valór taxa ne’ebé sei kobra hodi halo ezame laboratóriu iha laboratóriu hosi instituisoins Servisu Nasionál Saúde nian
  
  ✅ 4 – Doasaun ba Noble Timor hodi halo likidasaun ba dívida sira ne’ebé pendente ne’ebé relasiona ho organizasaun edisaun anteriór sira husi Tour Timor, Maratona Dili no Suai Extreme.
  
  ✅ 5 - tema “Aprofunda Kooperasaun Ekonómika no Komersiál iha CPLP: Oportunidades no Dezafius” ba Reuniaun Ministrus Komérsiu CPLP nian;
  
  ✅ 6 – kriasaun no responsabilidade sira hosi ekipa negosiasaun nian kona-ba adezaun Timor-Leste nian ba Akordu sobre Kontratus Públikus;
  
  ✅ 7 - Tema “Hamutuk ita sei Harii Pátria ida ne'ebé justu, inkluzivu no reziliente ba beibeik” ba serimónia ofisiál sira selebrasaun aniversáriu Restaurasaun Independénsia nian ba dala 24
  
  Analiza ona:
  
  ➡️ 1 – Aprezentasaun kona-ba preparasaun ba reuniaun Komité Rejionál OMS ba Rejiaun Sudeste Aziátiku ba da-79;
  
  ➡️2 - Aprezentasaun kona-ba Unidade Saúde ASEAN;
  
  ➡️3 - Aprezentasaun kona-ba Laboratóriu Saúde Públika no Saúde Alimentár husi Institutu Nasionál Saúde Timor-Leste.

  hare tan
• 08 abril 2026Sorumutu Konsellu Ministrus loron 8 fulan-abril tinan 2026

  Prezidénsia Konsellu Ministrus
    Portavós Governu Timor-Leste
  IX Governu Konstitusionál
  ...........................................................................................................................
  Komunikadu Imprensa
  
  Sorumutu Konsellu Ministrus loron 8 fulan-abril tinan 2026
  Konsellu Ministrus hala’o sorumutu iha Palásiu Governu, Dili, no aprova projetu arkitetóniku ba Sentru Konvensaun Dili foun, hafoin análize ba propostas modelu arkitetóniku ne’ebé aprezenta hosi Vise-Primeiru-Ministru no Ministru Koordenadór Asuntus Ekonómikus, Francisco Kalbuadi Lay. Projetu estruturante ida-ne’e ho objetivu atu sai uma-na’in ba reuniaun sira ASEAN nian durante Timor-Leste nia prezidénsia iha tinan 2029, inklui simeira Xefe Estadu no Xefe Governu sira nian, no mós eventu ho dimensaun boot sira seluk.
  Sentru konvensaun foun sei harii iha área portu tuan, iha Baía Díli nia sorin, no sei inklui edifísiu prinsipál ida ho sala konferénsia, auditórius no pavillaun sira ba espozisaun, no mós área komplementár sira lazer no turizmu nian, inklui paseiu ida hodi la’o iha kais nia sorin, akuáriu ida no sentru entretenimentu no komérsiu ida.
  ***
  Nune’e mós ho proposta husi Vise-Primeiru-Ministru no Ministru Koordenadór Asuntus Ekonómikus, Francisco Kalbuadi Lay, Konsellu Ministrus aprova projetu Rezolusaun Governu ba nomeasaun Duílio Marino Gusmão Araújo da Silva nu’udar Diretór Ezekutivu ba Ajénsia Promosaun Investimentu no Esportasaun Timor-Leste, IP, ne’ebé koñesidu ho naran TradeInvest Timor-Leste.
  Nomeasaun ne’e bazeia ba kompeténsia téknika no aptidaun ne’ebé hatudu ona ba kargu ne’e, ba mandatu tinan tolu, iha rejime eskluzividade. Dezde 2019 iha TradeInvest Timor-Leste, Duílio Marino Gusmão Araújo da Silva hala’o kna’ar nu’udar Adjuntu Diretór, no antes ne’e kaer ona kargu sira hanesan Diretór Promosaun Esportasaun, Jestór Promosaun Esportasaun, no Jestór Relasaun Esterna no Marketing.
  ***
  Konsellu Ministrus aprova mós projetu Rezolusaun Governu, ne’ebé aprezenta hosi Ministru Administrasaun Estatál, Tomás do Rosário Cabral, kona-ba orientasaun polítika jerál Governu nian sobre divizaun administrativa territóriu no rekoñesimentu ba suku no aldeia sira.
  Rezolusaun Governu ida-ne’e ho objetivu prinsipál atu asegura estabilidade divizaun administrativa territóriu nian, atu nune’e bele garante koezaun territoriál, kontinuidade prestasaun servisu públiku ba populasaun, no preparasaun adekuada ba prosesu eleisaun prezidensiál iha tinan 2027.
  Nune'e, Governu determina katak sei la kria Postu Administrativu foun no sei la rekoñese suku foun, haree ba impaktu ne'ebé bele mosu husi mudansa sira hanesan ne'e ba organizasaun aktu eleitorál ne'ebé prevee ona ba tinan 2027. Rezolusaun Governu ne’e estabelese mós prienximentu obrigatóriu Fixa Família nian hosi membru hotu-hotu hosi aldeia ida-idak iha suku ne'ebé pertense ba, atu nune’e bele reforsa mekanizmu ba identifikasaun no organizasaun komunidade lokál sira, no mós devér atu kumpre orientasaun sira husi xefe suku ida-idak.
  *****
  Hafoin aprezentasaun husi Vise-Ministra Finansas, Regina de Jesus, Konsellu Ministrus delibera hodi autoriza Ministra Finansas atu asina akordu subvensaun rua ho Ajénsia Kooperasaun Internasionál Korea (KOICA) ba projetus kona-ba Dezenvolvimentu Kapasidade Restaurasaun Florestál no Jestaun Sustentável iha Timor-Leste (2026–2033) no mós Programa Integradu Nutrisaun no Seguransa Alimentár, Alimentasaun Eskolár, Fortifikasaun Alimentár, Fortifikasaun Ai-han no Infraestrutura Eskolár sira (2026–2030).
  Projetu restaurasaun floresta ne’e, ho subvensaun prevee dolar amerikanu millaun 6 no durasaun tinan neen, kobre munisípiu Baukau no Manatutu. Ninia objetivu maka reforsa prevensaun ba degradasaun ambientál no promove rekuperasaun ekosistema florestál sira, liuhosi modernizasaun sentru viveiru nasionál, implementasaun programa reflorestasaun, no mós kapasitasaun instituisoins públikas no komunidade lokál sira. Prevee mós envolvimentu diretu husi tékniku no funsionárius públiku, no mós partisipasaun ativa husi komunidade sira iha jestaun sustentável ba floresta.
   Programa nutrisaun no seguransa alimentár, ho orsamentu dolar amerikanu millaun 7,2 no ho durasaun tinan lima, sei implementa iha munisípiu Baukau, Bobonaru, Manufahi, no Vikeke. Projetu ida-ne’e ho objetivu atu hadi’a kondisaun ai-han no nutrisaun eskolár liuhusi reforsa infraestrutura no ekipamentu dapur eskolár, implementa sistema jestaun no monitorizasaun, fortifikasaun ai-han, no mós promove kadeia fornesimentu bazeia ba produsaun agríkola lokál. Inklui mós formasaun ba profesór sira, pesoál estabelesimentu ensinu nian, no komunidade sira, no mós apoiu ba dezenvolvimentu agrikultura lokál hodi fornese ba eskola sira. REMATA
  

  hare tan
• 01 abril 2026Sorumutu Konsellu Ministrus loron 1 fulan-abril tinan 2026

  Aprova ona:
  
  
  ✅ 1 - Estinsaun Millennium Challenge Account – Timor-Leste, IP;
  
  
  ✅ 2 - Definisaun modelu organizasaun foun ba servisus no mós kargus diresaun no xefia iha Rejiaun Administrativa Espesiál Oe-Kusi Ambenu;
  
  
  ✅ 3 - Autorizasaun despezas no kontratasaun ba obras públikas tuir Dekretu-Lei n. 15/2024, loron 20 fulan-marsu;
  
  
  ✅ 4 - Alterasoins ba Orgánika husi Ministériu Turizmu no Ambiente no mós estinsaun Autoridade Nasionál Dezignada ba Kombate Alterasaun Klimátika;
  
  
  ✅ 5 - Valór másimu ba despeza ne’ebé atu ezekuta iha ámbitu prosesu transladasaun restus mortais (isin-mate) hosi preladus katólikus ne’ebé hala’o funsaun pastorál iha Timor-Leste;
  
  
  ✅ 6 - Autorizasaun despeza no abertura prosedimentu aprovizionamentu ba akizisaun kombustivel atu garante estabelesimentu rezerva seguransa ida ho autonomia to'o tinan ne'e nia rohan;
  
  
  ✅ 7 - Tema ba Sorumutu Ministrus Kultura CPLP nian ba da-14.

  hare tan