Governu Timor-Leste

Komunikadus

• 
  25 fevereiru 2021Federal Reserve Bank of New York nu’udar Parseiru Konfiansa Ba Timor-Leste

  
  Banku Sentrál Timor-Leste
  
   
  VIII Governu Konstitusionál
  ...........................................................................................................................
  Loron 24 fulan-fevereiru tinan 2021
  Komunikadu Imprensa
  Federal Reserve Bank of New York nu’udar Parseiru Konfiansa Ba Timor-Leste 
  
  
  
  Governadór Banco Central de Timor-Leste (BCTL), Sr. Abraão de Vasconselos, hatete katak BCTL akompaña hela notisia ne’ebé sirkula iha públiku kona-ba asesu ba konta Fundu Petrolíferu governu nian ne’ebé mak rai iha Federal Reserve Bank of New York. Nia hatete katak iha notisia balu ne’ebé propoin Banku Federal Reserve impede ona Governu Timor-Leste atu asesu ba konta Fundu Petrolíferu.
  Sr. Vasconselos esklarese katak notisia ne’e kompletamente laiha base ba faktu ruma. BCTL hakarak klarifika katak konta ne’ebé iha Federal Reserve Bank of New York nu’udar fundu estadu Timor-Leste nian no rejistu hodi BCTL nia naran ne’ebé jere relasaun entre BCTL no Federal Reserve Bank of New York. Lei prevee ona katak Governu apenas iha konta ida deit iha BCTL. Bainhira de’it Governu Timor- Leste hakarak halo levantamentu husi konta Fundu Petrolíferu, Ministru Finansas simplesmente haruka instrusaun de-transferénsia ida mai BCTL hafoin prosesu polítika hotu konklui no publika ona iha Jornal da República, enkuantu restante prosesu ne’e kompeténsia husi BCTL nian.
  BCTL nunka hetan impedimentu atu asesu ba konta Fundu Petrolíferu iha Banku Federal Reserve New York, no mós laiha indikasaun ruma husi Federal Reserve Bank of New York atu hakarak foti medidas ba asaun refere.
  Governadór hatete katak situasaun ne’e kontráriu tebes. Federal Reserve Bank of New York kontinua sai nafatin parseiru valiozu no konfiante ne’ebé fó-ona sira-nia apoiu mássimu mai BCTL iha jestaun Fundu Petrolíferu dezde inisiu kedas iha tinan 2005. Nia eplika tan hosi kedas 2001 Timor-Leste iha ona relasaun ne’ebé di’ak tebes ho Banku Federal reserve, ne’ebé fasilita ona prosesu pagamentu hotu ne’ebé simu hosi BCTL relasiona ho fundu petrolíferu no mos operasaun bankária sira seluk tan.
  Ikus liu, Governadór Vasconselos hakarak apela ba públiku no media sira hotu atu hapara rumoris sira ne’ebé mak espalla ona, no iha futuru mai husu ba públiku no média tenki verifika faktu sira iha BCTL ka Ministériu Finansas molok repete rumoris ne’ebé la-hó justifikasaun kona-ba jestaun Fundu Petrolíferu. REMATA
  
  
  
  

  hare tan
• 
  24 fevereiru 2021Sorumutuk Konsellu Ministrus nian iha loron 24 fulan-fevereiru tinan 2021

  Analiza ona:
  
  1 - Kriasaun Komisaun Koordenasaun ba implementasaun Parke Industriál sira;
  
  2 - proposta ba reforma programa Bolsa da Mãe liuhusi projetu-pilotu “Preparasaun ba Jerasaun Foun”.

  hare tan
• 
  19 fevereiru 2021Sorumutuk Konsellu Ministrus nian iha loron 19 fulan-fevereiru tinan 2021

  Aprova ona:
  
  1 - Alterasaun daruak kona-ba Lei n.11/2009, loron 7 fulan-outubru, kona-ba Divizaun Administrativa Territóriu nian;
  
  2 - Pedido de renovasaun estadu emerjénsia nian.
  
  
  Analisa ona:
  
  1 - Opsaun polítiku-Lejizlativa sira ne’ebé sai hanesan baze ba projetu lejizlativu ba kriasaun garantia finanseira nian ba liña Kréditu “Ensinu Superiór Kualidade +”.

  hare tan
• 
  16 fevereiru 2021Toleránsia Pontu ba loron 17 fulan-fevereiru ba okaziaun selebrasaun loron “Kuarta-Feira Sinzas”

  Toleránsia Pontu iha Loron 17 Fulan-Fevereiru ba Selebrasaun Loron “Kuarta-Feira Sinza”

  hare tan
• 
  15 fevereiru 2021Sorumutuk Estraordináriu Konsellu Ministrus nian iha loron 15 fulan-fevereiru tinan 2021

  Aprova ona:
  
  1 - planu nasionál vasinasaun kontra COVID-19 nian;
  
  2 - serka sanitária ida iha Munisipiu sira hanesan Bobonaru no Covalima.

  hare tan
• 
  11 fevereiru 2021Toleránsia Pontu ba Selebrasaun Tinan Foun Xina nian

  Toleránsia Pontu iha Loron 12 fulan-fevereiru ba Selebrasaun Tinan Foun Xina nian

  hare tan
• 
  10 fevereiru 2021Sorumutuk Konsellu Ministrus nian iha loron 10 fulan-fevereiru tinan 2021

  Aprova ona:
  
  1 - Dekretu Lei Governu ne’ebé kria Portál Munisipál;
  
  2 - Administradór Munisipál Aileu
  
  3 - Administradór Munisipál Ainaro;
  
  4 - Administradór Munisipál Kovalima;
  
  5 - Proposta Lei kona-ba organizasaun no funsionamentu tribunál sira-nian;
  
  6 - Alterasaun dahuluk ba Dekretu Governu nian N.u 3/2021, loron 29 fulan-janeiru, kona-ba medida ezekusaun ba deklarasaun estadu emerjénsia efetuadu husi Dekretu Prezidente Repúblika nian N.u 6/2021, loron 27 fulan-janeiru;
  
  7 - Rezolusaun Governu nian kona-ba donativu ba Reprezentasaun Permanente Repúblika Árabe Saharauí Demokrátika.
  
  
  Analiza ona:
  
  1 - opsaun polítiku-lejizlativa subjasente ba projetu kona-ba alterasaun alterasaun daneen ba Lei n.u 7/2006, loron 28 fulan-dezembru, kona-ba Lei Eleitorál ba Prezidente Repúblika;
  
  2 - Planu nasionál vasinasaun COVID-19 nian;
  
  3 - Enkuadramentu normativu ba rejime remuneratóriu aplikavel ba administrasaun indireta Estadu nian.

  hare tan
• 
  03 fevereiru 2021Sorumutuk Konsellu Ministrus nian iha loron 3 fulan-fevereiru tinan 2021

  Analiza ona:
  
  1 - Opsaun polítiku-lejizlativa sira ne’ebé sai hanesan baze ba projetu kona-ba Programa Movimentu Hafoun Aldeia (PMOHA).

  hare tan