Governu Timor-Leste

Komunikadus

• 03 dezembru 2022Votu Pezar ba Jill Jolliffe nia mate

  Ho laran triste tebes no sentimentu ne’ebé kle’an, bainhira Governu Repúblika Demokrátika Timor-Leste simu notísia kona-ba Jill Jolliffe, jornalista australiana nia mate, ne’ebé dedika nia vida tomak hodi akompaña luta ba libertasaun nasionál Timor-Leste nian.

  hare tan
• 02 dezembru 2022Sorumutuk Konsellu Ministrus nian iha loron 2 fulan-dezembru tinan 2022

  Aprova ona:
  
  1 - pagamentu estraordinária ba saláriu adisionál fulan ida nian
  
  2 - kriasaun Unidade Misaun hodi Kombate ba raes badak “Stunting” (nanismu);
  
  3 - valór ba remunerasaun Órgaun Titular sira, Traballadór, prezensa seña hodi selu ba membru Konsellu Konsultivu ba Tradelnvest;
  
  4 - atribuisaun Ordem Timor-Leste, Grau Medalla, ba Señor Peter Roberts, ex-Embaixadór ba Komunidade Autrália iha Timor-Leste;
  
  5 - Akordu-kuadru kooperasaun iha ámbitu desportu nian entre Ministériu Edukasaun, Juventude no Desportu Repúblika Demokrátika Timor-Leste no Institutu Nasionál Desportus, Edukasaun Fízika no Rekkreasaun Repúblika Kuba;
  
  6 - prosedimentu husi aprovizionamentu ba kontratu públiku servisu ba supervizaun konstrusaun sistema bee nian, no saneamentu iha kapitál munisípiu husi Lautém, Manufahi no Viqueque;
  
  7 - Akordu ida ba finansiametu ho Australia e Export Finance Australia kona-ba Projetu “ Timor-Leste Airport Facilities Project”
  
  8 - Akordu kontribuisaun finanseira ho Ajénsia Kooperasaun Internasionál ho Japaun (JIKA) kona-ba projetu “Improvement of Equipment for Disaster Risk Reduction and Recovery”; no
  
  9 - Akordu ida ba kontribuisaun finanseira ho Banku Mundiál kona-ba projetu Timor-Leste COVID-19 Response and Health System Preparedness”.
  
  
  Analiza ona:
  
  1 - opsaun polítika-lejislativu sira ne’ebé sai hanesan baze ba inisiativa kriasaun ba Komisaun Nasional Aprovizionamentu,I.P.; no
  
  2 - Kuadru Nasional Planeamentu Integradu Mediu Prazu no Revizaun Nasionál Voluntária (VNR).

  hare tan
• 01 dezembru 2022Governu hato’o kondolénsia ba eis-Prezidente xinés Jiang Zemin nia mate

  Ho laran triste tebes Governu Timor-Leste simu notísia kona-ba eis-Prezidente Repúblika Populár Xina nian, Jiang Zemin nia mate, ho idade 96.

  hare tan
• 28 novembru 2022Votu Pezar ba Francesc Vendrell nia mate

  Ho sentimentu ne’ebé kle’an Governu Repúblika Demokrátika Timor-Leste simu notísia katak, diplomata katalaun Francesc Vendrell nia mate, eis-Reprezentante Pesoál Adjuntu Sekretáriu-Jerál Organizasaun Nasoins Unidas (ONU) nian, ne’ebé envolve iha negosiasaun sira ne’ebé kona-ba realizasaun konsulta populár iha loron 20 fulan-agostu tinan 1999 no autodeterminasaun ba povu timoroan.

  hare tan
• 26 novembru 2022Governu hato’o ninia solidariedade ba Indonézia

  Governu Timor-Leste hato’o ninia sentidu kondolénsia ba Governu no povu Repúblika Indonézia nian tanba rai-nakdoko, ho magnitude 5,6 iha eskala Richter, ne’ebé akontese iha illa Java Indonézia, iha segunda-feira semana kotuk, loron 21 fulan-novembru.

  hare tan
• 23 novembru 2022Sorumutuk Konsellu Ministrus nian iha loron 23 fulan-novembru tinan 2022

  Aprova ona:
  
  1 - Lei Programasaun Militár nian;
  
  2 - Rejime jerál kona-ba regra sira orijen nian;
  
  3 - provimentu no remunerasaun ba titulár sira órgaun pesoa koletiva sira ne’ebé integra iha Administrasaun indireta Estadu nian; no
  
  4 - Institutu Públiku Millennium Challenge Account-Timor-Leste no aprovasaun Estatutu ne’e rasik.
  
  
  Analiza ona
  
  1 - inisiativa ba alterasaun Lei n.11/2009, loron 7 fulan-outubru, Divizaun Administrativa Territóriu nian; no
  
  2 - inisiativa ba alterasaun Lei n. 6/2006, loron 28 fulan-dezembru, ne’ebé aprova Lei Eleitorál ba Parlamentu Nasionál.

  hare tan
• 16 novembru 2022Sorumutuk Konsellu Ministrus nian iha loron 16 fulan-novembru tinan 2022

  Aprova ona:
  
  1 - abertura área sira atu hala’o atividade mineira sira no aprovasaun termu referénsia sira ba konkursu hodi atribui direitu mineiru ba esplorasaun no produsaun materiál sira konstrusaun nian iha área tolu konsesaun nian; no
  
  2 - alterasaun dahaat ba Dekretu-Lei n. 8/2013, loron 26 fulan-juñu, kona-ba Rejime Jerál Programa Nasionál Dezenvolvimentu Suku sira, alterasaun datoluk ba Dekretu-Lei n. 11/2019, loron 14 fulan-juñu, Orgánika Ministériu Administrasaun Estatál nian, alterasaun dahaat ba Dekretu-Lei n. 3/2016, loron 16 fulan-marsu, alterasaun dahuluk ba Dekretu-Lei n. 4/2022, loron 12 fulan-janeiru no alterasaun Dahuluk ba Dekretu-Lei n. 25/2022, loron 19 fulan-maiu, Programa Uma ba Ema Kbiit Laek Plus.

  hare tan
• 11 novembru 2022Sorumutuk Estraordinária Konsellu Ministrus nian iha loron 11 fulan-novembru tinan 2022

  Aprova ona:
  
  1 - alterasaun dahuluk ba Dekretu-Lei n. 37/2022, loron 25 fulan-maiu, kona-ba subsídiu fim do ano ba “Uma kain”, hodi klarifika ámbitu husi ninia aplikasaun.

  hare tan