Komunikadus
- 01 janeiru 2010SORUMUTUK KONSELLU MINISTRU LORON 19 FULAN MARSU 2008REPÚBLIKA DEMOKRÁTIKA TIMOR-LESTEhare tan
IV GOVERNU KONSTITUSIONÁL
KOMUNIKADU BA IMPRENZA
SORUMUTUK KONSELLU MINISTRU LORON 19 FULAN MARSU 2008
Konsellu Ministru hala’o tiha sorumutuk iha Kuarta-feira semana ne’e, 19 fulan Marsu,2008, iha Sala Sorumutuk Konsellu Ministru, iha Palásiu Governu, iha Díli, ne’ebé aprova tiha ona :
1. Dekretu-Lei ne’ebé Aprova Orgânika Sekretaria Estadu Promosaun Igualdade nian.
Konsellu Ministru iha sorumutuk ohin nian, aprova tiha ona Dekretu-Lei ida kona-bá estabelese estrutura orgánika Sekretaria Estadu Promosaun Igualdade nian. Sekretaria Estadu hato’o estrutura organizasional ida ke simples, maske nomeadu ba servisu ne’ebé nia aksaun ne’e dirijida ba promosaun igualdade jéneru nian.
Kria mós estrutura orgánika ne’ebé bele fó suporta hodi reforsa intrudusaun ba prespektiva jéneru nian, iha konsepsaun, análise, implementasaun no monitorizasaun polítika governu nian, hamutuk ho medidas seluk sei lori efeitu hanesan ba sosiedade sivil no organizasaun nasionál no internasional sira, ne’ebé ne’e kontribui ba minimiza
Diferensa entre mane ho feto.
2. Rezolusaun ne’ebé Aprova kona-bá Konstituisaun Ponto Fokál ba Kuestaun Jéneru nian.
Konsellu Ministru, iha sorumutuk ohin nian, aprova tiha ona hanesan Resolusaun konstituisaun Ponto Fokál ba atu hala’o kuestaun jéneru nian. Ho medida ne’e implementa ona mekanismu ida ne’ebé sei ba aktua iha ministériu ida-idak nian no iha sekretaria Estadu ne’ebé depende direktamente ba Primeiru-Ministru, no realsiona ba gelegasaun rejionál sira, forma atu garante integrasaun iha prespektiva jéneru relativamente ba dezenvolvimentu estratéjika,polítika no lejislasaun Governu nian, liu hosi realizasaun análise insidente iha jéneru.
Mekanismu ne’e funsiona liu hosi funsionáriu públiku departamentu Governu sira nian ne’ebé envolvidu, designadu ba nia efeitu, iha ne’ebé sei atribui ona sira nia funsaun iha área ida ne’e.
Ponto Fokál Jéneru sira forma grupu Traballu Interministeriál sei identifika oportunidade no dezafiu ba implementasaun abordajem ne’eb’e hola parte jéneru iha seiu aksaun Governu Timor-Leste nian no dezenvolve parseria entre minist’eriu no sekretaria Estadu no aktor –xave sira seluk.
3. Proposta Lei Proteksaun Testemuña nian.
Proposta ida ne’e,Konsellu Ministru aprova tiha ona iha sorumutuk ohin nian, ne’ebé pretende atu regula aplikasaun medida ba proteksaun testemuña iha prosesu sivil no penal bainhira nia vida, nia integridade físika ka psíkuika, nia liberdade ka nia bens patrimonial ho valor konsideravelmente maka’as tau iha perigu tanba ninia kontibuto ba prova faktu ne’ebé konstitui objektu ba prosesu.
Solusaun normativa ne’ebé konsagra tiha ona, maski respeita ba realidade sósiu-kulturál espesífika iha komunidade timor oan sira nian, akolhe mós kontributu hosi operador judisiáriu oioin ne’ebé halao hela servisu iha Timor-Leste no ensinamentu ne’ebé rekolha mos hosi direitu komparadu.
4. Rezolusaun kona-bá Reforma ne’ebé abranjente konabá Setór Telekomunikasaun nian.
Kuartu Governu Konstitusionál hakarak delinea politika telekomunikasaun foun ida ne’ebé asente ba melloria efisiénsia no iha ámbitu asaun reguladór nasionál ba telekomunikasaun nian no iha avaliasaun kontratu konsesaun ho Timór Telekom, pondera konabá monopóliu telekomunikasaun no vantajen konkorénsia nian.
Iha sorumutu ohin, Konsellu Ministru aprova ona Rezolusaun ida ne’ebé mak viabiliza renegosiasaun kontratu konsesaun ho Timór Telekom, atu nune’e remove direitu konsesaun eksklusiva no hatur empreza iha kondisaun ne’ebé livre ba konkorénsia ho empreza sira foun ne’ebé hakarak tama iha merkadu
Governu hakarak implenta reforma ida abranjente iha setór telekomunikasaun ne’ebé mak engloba:
Dezenvolvimentu no implementasaun polítika telekomunikasaun foun ida ba Timór-Leste;
Enkuadramentu jurídiku reguladór foun ida konabá setór telekomunikasaun nian;
Hasa’e kapasidade no autoridade ARCOM nian hanesan reguladór nebe’e independente iha setór ne’e;
Estabelese Grupu Asaun ida, sei nomeia ho despaxu konjuntu Ministrus Finansa no Infraestruturas, atu implementa, iha prazu másimu fulam neen, atividade sira ne’ebé mak hatete ona iha rezolusaun; grupu ida ne’e sei reprezenta Governu iha prosesu negosiál ho Timór Telekom.
- 01 janeiru 2010SORUMUTUK EKSTRAORDINÁRIU KONSELLU MINISTRU LORON 18 FULAN MARSU TINAN 2008REPÚBLICA DEMOCRÁTICA DE TIMOR-LESTEhare tan
IV GOVERNO CONSTITUCIONAL
KOMUNIKADU BA IMPRENSA
SORUMUTUK EKSTRAORDINÁRIU KONSELLU MINISTRU LORON 18 FULAN MARSU TINAN 2008
Hala’o ohin Tersa-feira, loron 18 fulan Marsu tinan 2008, sorumutuk ekstraordináriu Konsellu Ministru sira Governu buka hato’o ba Prezidente Repúblika interinu hodi hanaruk tan estadu de esesaun ne’e, ba fali estadu emerjénsia, ba períodu loron tolunulu nia laran.
Proposta Governu ne’e atu estadu emerjénsia ne’e hala’o iha teritóriu nasionál tomak hahú 00h00 iha loron 23 fulan Marsu oin mai no hotu iha oras 24h00 loron 22 fulan Abril, ho restrisaun ba direitu, liberdade no garantia sidadaun sira nian hanesan tuir mai ne’e:
Halo limitasaun ba direitu atu halo sirkulasaun livre no iha obrigasaun atu tama uma obrigatóriu entre tuku 23h00 to’o tuku 5hoo hodi salvaguarda direitu hirak prevé tiha ona iha alinea c) no f) n.º1 artigu 3.º Lei n.º 3/2008, loron 22 fulan Fevereiru;
Halo restrisaun ba direitu atu halo manisfestasaun no reuniaun hodi salvaguarda direitu hirak ne’ebé prevé tiha ona iha alinea d), e) e f) n.º1 artigu 3.º Lei n.º 3/2008, loron 22 fulan Fevereiru; direitu manifestasaun no reuniaun;
Bainhira iha mandatu judisiál no respeita regra hirak hakerek iha alinea b) n.º1 artigu 3.º Lei n.º 3/2008, fulan Fevereiru, autoridade kompetente sira bele sai tama uma maske konsagra tiha ona atu ema ida labele tama ema seluk nia uma sein iha autorizasaun hosi nia nain;
Tuir proposta ne’ebé hato’o ba Prezidente Repúblika interinu, Governu koalia mós kona-ba F-FDTL tenke iha responsabilidade atu fó apoiu ba autoridade sivil sira, liu hosi komandu Konjuntu mak harí tiha ona, hodi hala’o misaun espesifiku koordenasaun no halo intervensaun operasionál hodi kaer suspeitu sira ne’ebé ho pratika krime nian ne’ebé komete tiha ona iha loron 11 fulan Fevereiru liu ba, no hola medidas hodi estabelese hikas fali normalidade demokrátika. Heten katak F-FDTL no PNTL, tama hodi hala’o operasaun dauduan ne’e, tenke kumpri regra sira nu’udar hakerek iha Lei n.º3/2008, loron 22 fulan Fevereiru hatudu tiha ona, iha Dekretu-Lei n.º 2/2007, loron 8 fulan Marsu, kona-ba Operasaun Prevensaun Kriminal, Dekretu-Lei n.º 4/2006, loron 1 fulan Marsu kona-ba rejime espesiál bainhira iha Terorizmu, Kriminalidade Violenta ka Altamente Organizada.
Fo hanoin katak Deklarasaun Estadu Sítiu, ne’ebé Dekreta iha loron 11 fulan Fevereiru liu ba, tanba atentadu hasoru Prezidente Repúblika no Primeiru-Ministru, presiza hodi garante orden konstitusionál seguransa no paz públiku ne’ebé sai fali hahalok violentu no hodi defende Estadu Direitu Demokrátiku. Estadu Esesaun ne’e, dekretadu no renovadu tiha ona tutuir malu no konsege impede ameasa ba estabilidade País nian, asegura orden públiku, hamenus ninia forsa, no fo limite ba sira iha área ne’ebe identifika tiha ona. Nune’e, maske ameasa hirak ne’e menus no lokalizada tiha ona maibé seidauk lakon hotu, tanba sei iha ema grupu balu mak sei halai ho kilat no ekipamentu funu nian, grupu ne’e mak ida lidera hosi eis porta voz petisionáriu Gastão Salsinha ne’ebé sai mós hanesan suspeitu iha atentadu hasoru seguransa Estadu no titulár nain rua órgaun soberania nian.
Kaptura no aprezentasaun grupu armadu ida ne’e ba justisa mak sei kontinua nafatin hanesan orden ida ne’ebé tenke hala’o hodi hametin paz públiku, maibé, ida ne’e presiza lori tempu tan no, pasiénsia, ho objektivu atu evita fakar ra’an ne’ebé mak la folin buat ida, atu la haluha katak ameasa ne’e sei la iha tan ona hodi país ida ne’e bele la’o hikas fali iha dalan dezenvolvimentu nian.
- 01 janeiru 2010SORUMUTUK KONSELLU MINISTRUS, LORON 05 FULAN MARSU TINAN 2008REPÚBLICA DEMOCRÁTICA DE TIMOR-LESTEhare tan
IV GOVERNO CONSTITUCIONAL
KOMUNIKADU BA IMPRENSA
SORUMUTUK KONSELLU MINISTRUS, LORON 05 FULAN MARSU TINAN 2008
Ohin Kuarta-feira, loron 05 fulan Marsu tinan 2008, iha Sala Sorumutuk Konsellu Ministrus nian, iha Palásiu Governu Díli, no aprova tiha ona:
1. Rezolusaun ne'ebé Aprova Polítika Nasionál Jestaun kona-ba Risku Dezastre nian
Jestaun kona-ba Risku Dezastre nian importante tebes ba dezenvolvimentu sósiu- ekonómiku Nasaun nian. IV Governu Konstitusional enfrenta responsabilidade ho sériedade no estabelese iha dokumentu ne'e, definisaun Polítika Nasionál Jestaun ba Risku Dezastres hó ninia objektivu no estratéjia prinsipál ba sektor iha tinan lima oin mai.
Ministériu Solidariedade Sosiál, liu hosi nia Sekretáriu Estadu Asisténsia Sosiál no Dezastres Naturais, estabelese tiha ona hanesan knar prinsipál atu dezenvolve sistema ida ba prevensaun dezastres integradu no fleksível, hodi bele hatan ba realidade Timor-Leste nian, no buka oin-sá atu inklui sidadaun nasional no estranjeiru sira hanesan interveniente bainhira hasoru kalamidade.
2. Dekretu ne'ebé Regulamenta Prestasaun Servisu Telefone Móvel
Governu fó tiha ona atensaun boot ba tema telekomunikasaun, hanesan liu husi dezenvolvimentu projektu barak-barak, ne'ebé hahú fó no haré tiha ona, ninia valor. Entre hirak ne'e, haré liu ba servisu móvel telekomunikasaun nian, ne'ebé hala'o hó susesu iha Timor-Leste.
Governu hatene katak, Kuadru regulamentar tenke dezenvolve daudaun atu bele konkretiza nia objektivu hotu-hotu, tan ne'e hanoin atu hatama regra foun ba operasaun telemóvel, atu nune'e bele salvaguarda no ekilibra hikas fali valor no interese hirak ne'ebé tenke proteje.
Diploma ida ne'e hodi regula kontratu ba adezaun, aseitasaun no utilizasaun kartaun SIM hosi servisu telefone móvel. Regra ne'ebé hakerek iha diploma ne'e, atu aplika ba kontratu adezaun ba kartaun SIM ne'ebé fó sai husi entidade konsesionária servisu rede móvel nian. Rona tiha ona hosi Konsesionária, tuir artigu n.^0 3 kláuzula 12.^0 ba Kontratu Konsesaun Servisu Telekomunikasaun nian.
3. Dekretu-Lei ne'ebé Aprova Rejime Monotorizasaun ba Embarkasaun Peska
Dekretu-Lei ida ne'e harí no regula sistema monotorizasaun kontínua ba embarkasaun peska, liu hosi satélite, hanaran SIMOSEP. Hakarak monotoriza embarkasaun peska nasional no estranjeira ne'ebé hetan lisensa iha Timor-Leste, atu hodi hala'o vijilánsia no kontrolu ba knar peska nian.
Ninia objetivu atu hadi'a jestaun rekursu peskeiru iha Timor-Leste, liu husi monotorizasaun, kontrolu no hala'o vijilánsia diak ba embarkasaun peska; hadi'a aplikasaun lei nian, liu-liu kombate hasoru peska illegal, ne'ebé seidauk deklara no regula; rekolla dadus no informasaun kona-ba atividade embarkasaun, atu hadi'a jestaun ida ne'ebé sustentável ba rekursu marítimu nasional; no respeita ba obrigasaun nasional no internasional nasaun nian, kona-ba prátika peska ne'ebé mak responsável.
4. Dekretu-Lei ne'ebé Aprova orgánika Ministériu Turismu, Komérsiu no Indústria
Programa IV Governu Konstitusional prevé polítika ida kona-ba dezenvolvimentu atividade turístika, komersial no industrial, hanesan mekanismu ida ne'ebé importánte tebes hodi hamenus kiak no kombate hasoru dezempregu, hodi nune'e fó kontribuisaun ba estabilidade sosiál no polítika nasaun nian.
Dekretu-Lei N.^0 7/2007 loron 5 fulan Setembru tinan 2007, ne'ebé estabelese Estrutura Orgánika IV Governu Konstitusional Repúblika Demokrátika Timor-Leste nian, determina iha ninia artigu 37.^0 kona-ba elaborasaun ka alterasaun ba lei orgánika Ministériu sira nian.
Dekretu-Lei ida ne'e estabelese estrutura órgaun no servisu ne'ebé halo parte iha Ministériu Turismu, Komérsiu no Indústria, ne'ebé hetan kompenténsia nesesária hodi hala'o tuir polítika Governu nian, ba área hirak ne'e, tuir hakerek iha n.^0 2 artigu 29.^0 diploma ne'e nian.
5. Aprezentasaun kona-ba Regra no Prosesu ba Revizaun Orsamentu Estadu nian ba tinan 2008.
Konsellu Ministrus, iha nia sorumutuk ohin nian, aprova mos Regra no Prosesu ba Revizaun Orsamentu Jeral Estadu nian ba tinan 2008, ne'ebé hato'o ho detaillle iha plenária husi Ministra Finansas.
6. Aprezentasaun kona-ba Polítika no Regra atu Uza Veíkulu Estadu nian
Tékniku Ministériu Finansas hato'o proposta ida atu hodi estabelese polítika foun ida kona-ba viatura Estadu nian no mos atu defini regra foun atu uza veíkulu hirak ne'e. Konsellu Ministrus aprova tiha ona Proposta ne'e.
7. Aprezentasaun kona-ba Prioridade Nasional ba tinan 2008
Konsellu Ministrus rona aprezentasaun ne'ebé hato'o husi Ministra Finansas Kona-ba identifikasaun meta pririoritária no rezultadu hirak ne'ebé Governu kompromete atu alkansa, iha tinan 2008 nia rohan. Uluk nana'in, sei halo konsulta adisional hó ministériu hirak seluk, molok atu aprezenta estudu ne'e iha enkontru hó parseiru dezenvolvimentu sira iha Timor-Leste.
Dokumentu ne'ebé hato'o iha plenária identifika área nen: seguransa públika; proteksaun sosial no solidariedade; juventude; empregu no hamosu rendimentu; hadi'a servisu sosiál; no governasaun ne'ebé transparente no diak.
- 01 janeiru 2010SORUMUTUK EKSTRAORDINÁRIU KONSELLU MINISTRU LORON 21 FULAN FEVEREIRU TINAN 2008REPÚBLICA DEMOCRÁTICA DE TIMOR-LESTEhare tan
IV GOVERNO CONSTITUCIONAL
KOMUNIKADU BA IMPRENSA
SORUMUTUK EKSTRAORDINÁRIU KONSELLU MINISTRU LORON 21 FULAN FEVEREIRU TINAN 2008
Ohin Kinta-feira, loron 21 fulan Fevereiru tinan 2008, iha sala sorumutuk Konsellu Ministrus, iha Palásiu Governu Díli, no disidi tiha ona:
Husu ba Sua Exelénsia Prezidente Repúblika nudar ezersísiu hodi hala’o prolongamentu situasaun Estadu Sítiu.
Situasaun ne’ebé hakmatek iha rai laran iha loron hirak liu tiha ona labele haluha elementus grupu ne’ebé halo atentadu makás hasoru orden konstitusionál demokrátika Timor-Leste, husik hela no la hetan kastigu.
Tuir konstituisaun afirma katak Timor-Leste hanesan Estadu de Direitu Demokrátiku, tuir lei haruka ne’ebé ho justisa.
Grupu kriminozu sira kontinua hela livre fo ameasa seriu ba bei-beik ba orgaun soberania no populasaun tomak atu labele la’o ba oin.
Governu, liu hosi autoridade polísia no militar no suporta mos hosi autoridade judisiária hala’o operasaun hodi kaer elementu grupu hirak ne’e no apoiante sira, operasaun ne’e mantén loron ruma tan atu nune’e bele hala’o lolós tuir dalan ba ameasa hirak ne’e hotu.
Desidi tiha ona hodi husu ba Sua Ekselénsia Señor Prezidente Repúblika, tuir, dekretu prolongamentu Estadu Sítiu nia. Ho ida ne’e, Governu, mak bele tau medidas hodi ezekuta Deklarasaun Estadu Sítiu.
- 01 janeiru 2010Sorumutuk Konsellu Ministrus loron 21 fulan Novembru tinan 2007REPÚBLICA DEMOCRÁTICA DE TIMOR-LESTEhare tan
SECRETARIA DE ESTADO DO CONSELHO DE MINISTROS
KOMUNIKADU BA IMPRENSA
Sorumutuk Konsellu Ministrus loron 21 fulan Novembru tinan 2007
Ohin, Kuarta-feira loron 21 fulan Novembru tinan 2007, hala'o Sorumutuk Konsellu Ministrus nian, iha Sala Sorumutuk Konsellu Ministrus, Palásiu Governo Díli, no aprova tiha ona:
1. Proposta Lei Autorizasaun Lejislativa iha Matéria Penal
Proposta Lei Autorizasaun iha matéria penal, hodi aprova Kódigu Penal foun ba Timor-Leste tuir prinsípiu jeral direitu kriminal nian, ne'ebe hetan tiha ona sansaun iha instrumentu jurídiku internasional, no Timor-Leste halo tiha ona ratifikasaun.
Proposta Lei ida ne'e, define liña boot hanesan esbosu polítika lejislativa Kódigu Penal nian iha tempu oin mai, hodi diminui aplikasaun subsidiária Kódigu Penal Indonézia nian iha territóriu nasional nia laran.
Konsellu Ministrus mos analiza tiha ona:
2. Proposta Lei Rejime Tributáriu
Proposta ida ne'e atu halo sistema fiskal simples liu, nune'e mos atu hakman folin impostu nian, ne'ebe a'as tebes, haré ba situasaun real nasaun nian hatudu katak la justu ho folin ida ne'e.
Governu sente katak, presiza duni atu neutraliza sistema fiskal, komponente justisa fiskal, no kontribuinte sira nune'e mos sosiedade tomak, tuir forsa merkadu no konkorrénsia nian.
Hafoin halo tiha explikasaun téknika, Konsellu Ministrus deside atu halo análize ida klean liu ba Prposta Lei ne'ebe hato'o, hodi halo nia aprovasaun ba sorumutu tuir mai.
3. Proposta Lei Arte Marsial
Tuir ita hatene pratika Arte Marsial iha Timor-Leste sa'e maka'as tebes, liu-liu iha kamada joven sira, no haré ba perigu kona-bá téknika balu ne'ebe sira utiliza, Governu sente katak presiza duni atu halo ninia enkuadramentu jurídiku, atu ne'e, bele kaer metin prinsípiu ordem públika no iha respeitu ba direitu, liberdade no garantia sidadun sira nian.
Konsellu Ministrus rona tiha ba tékniku sira hosi Ministériu Justisa no hateten katak sei halo análise ida klean liu ba Proposta Lei ne'ebe sira hato'o, atu nune'e bele aplika tuir realidade nasaun nian.
4. Dekretu-Lei ne'ebe aprova Orgánika Ministériu Edukasaun nian
Organizasaun servisu Ministériu, importante tebes atu hadi'a asesu kualidade edukasaun iha nasaun nia laran. Diploma ida ne'e, define estrutura kompeténsia no knar ne'ebe fó ba servisu idak-idak iha Ministériu.
Konsellu Ministrus sei analiza hikas fali projetu ne'e, iha sorumutu Konsellu Ministrus oin mai.
5. Rezolusaun ne'ebe regula Asiténsia ba vítima krize nian
Nasaun sei hala'o hela restruturasaun ida klean tanba krize ne'ebe mosu iha tinan 2006 no to'o oras ne'e afeta ba paz sosiál nasaun nian.
Rezolusaun Governu no.9/2006, ne'ebe Regula Asisténsia ba Vítima Krize nian, hatudu katak la efikaz no la to'o atu aplika hotu.
Konsellu Ministrus, atu kumpri Programa IV Governu Konstitusional, liu-liu kona-bá medidas iha tempu badak, hodi promove estabilidade sosiásl no fó apoiu ba ema vulnerável sira, iha prespektiva ida hanesan solidariedade ba vítima krize nian, nune'e Konsellu Ministrus apresia tiha ona medidas balu, hodi fó kondisaun moris diak no sustentável, ba sidadun sira ne'e.
Konsellu Ministrus, rezolve ona atu analiza fila fali matéria ida ne'e iha sorumutu oin mai. Konsellu Ministrus rezolve ona mos, atu aprova Rezolusaun Governu nian, ne'ebe regula Assiténsia ba Vítima Krize, iha prespektiva ida hanesan solidariedade ba vítima krize nian no fó kondisaun moris diak no sustentatável ba sidadun sira ne'e.
- 01 janeiru 2010Sorumutu Konsellu Ministrus loron 14 fulan Novembru 2007REPÚBLIKA DEMOKRÁTIKA TIMOR-LESTEhare tan
IV GOVERNU KONSTITUSIONAL
Komunikadu imprenza
Sorumutu Konsellu Ministrus loron 14 fulan Novembru 2007
Konsellu Ministru hala'o sorumutu iha Kuarta-feira ne'e, loron 14 fulan Novembru, 2007, iha Sala Sorumutu Konsellu Ministru, iha Palásiu Governu, iha Díli, hodi aprova tiha :
1. Dekretu-Lei ne'ebé Aprova ona Orgánika Ministériu Saúde nian.
Organizasaun servisu Ministériu ne'e atu hadi'a asesibilidade no kualidade prestasaun servisu saúde, liu hosi desentralizasaun intervensaun operasionál servisu no instituisaun ne'ebé presta kuidadu saúde nian.
Konsellu Ministru mos aprova projektu ne'ebé haré hikas tiha ona tuir sujestaun hirak ne'ebé aprezenta hosi minsitru sira.
2.Proposta Rezolusaun atu hato'o ba Parlamentu Nasional hodi halo Adezaun Protokolu Kuioto ba Konvensaun Kuadru Nasoens Unidas Kona-bá Alterasaun Klimátika.
Tékniku Sekretaria Estadu Ambiente esklarese ba Konsellu Ministrus kona-bá implikasaun finanseira ba Timor-Leste bainhira halo adezaun ba Protokolu ne'ebé refere iha leten.
Protokolu Kuioto hakarak fó operasionalidade no efikásia jurídika ba objektivu Konvensaun Nasoens Unidas nian kona-bá Alterasaun Klimátika, atu nune'e bele fó garantia hodi kombate diak liu alterasaun iha klima, hodi estebelese kompromisu kuantifikadu ba limitasaun ka redusaun ba emisaun gás hó rezultadu estufa nian, atu halo redusaun global gas hirak ne'e rasik iha 5% tun husi nível ida ne'ebé iha tinan 1990 nian.
Konsellu Ministru ona proposta Rezolusaun. Protokolu Kuioto ne'e sei haruka ba kedas Parlamentu Nasional hodi halo Ratifikasaun ba Adezaun Repúblika Demokrátika Timor-Leste nian.
3.Dokumentu servisu ba Polítika Juventude nian.
Hafoin halo tiha análize, Governu aprova mos dokumentu servisu nian ida ne'ebé iha prinsípiu orientadór atu hodi halo elaborasaun Proposta Lei Baze Juventude nian ida, ne'ebé sei hato'o ba Parlamentu Nasional.
Dokumentu ne'e estebelese área prinsipal ne'ebé sei implementa tuir Lei Baze:
* Mobiliza juventude tuir kontextu komunitáriu;
* Estabelese ligasaun entre Edukasaun no realidade pós-eskolar;
* Oin-sá buka oportunidade diak liu ba empregu;
* Hala'o alfabetizasaun;
* Tulun ema sira ne'ebe mak presiza liu;
* Promove partisipasaun sívika ba juventude.
Konsellu Ministru halo análize tan ba:
4.Proposta kona-bá Lei Baze Desportu nian
Diploma ne'e hakarak atu sai nu'udar proposta ida hosi Governu ba Parlamentu Nasional hodi kria baze dezenvolvimentu prátika nian ba Desportu iha Timor-Leste.
Bainhira remata tiha aprezentasaun ne'ebé hato'o hosi tékniku Sekretaria Estadu Juventude no Desportu, Governu hato'o kedas kuestaun balu no deside atu projektu ne'e sei haré fali hosi Sekretaria Estadu Juventude no Desportu no sei apresia hikas fali iha sorumutu Konsellu Ministru oin mai.
- 5 dezembru 2009Deklarasaun Porta-vóz IV Governu Konstitusional iha 5 Dezembru 2009Disponível em breve.hare tan
