Kriasaun no Abertura ba Liga Nasionáll Basketeból Timor-Leste nian
Kriasaun no Abertura ba Liga Nasionáll Basketeból Timor-Leste nianPrimeiru-Ministru lansa ona atividade Liga Basketeból. Ne’e, jogu ida ne’ebé, foin dala uluk hala’o iha Timor-Leste, hafoinde hala’o tiha liga futeból no voleiból.
Iha abertura , Xefi Governu insentiva ona modalidade sira seluk hodi hola inisiativa sira hanesan ho ida ne’e, atuhodi dinamiza atividade desportiva iha Timor-Leste.
Ita-nia rain potensiál tebes ba atu hodi dezenvolve iha area desportiva sira seluk. Ba ne’e duni, maka sidadaun sira presiza organiza aan, ne’ebé deklara ona husi Primeiru-Ministru, iha resintu GMT nian (Gedung Matahari Terbit- sigla iha lia-Indonézia.)
Ofisialmente, rejista ona ekipa 11, kompostu hosi feto no mane, ne’ebé sei tuir kompetisaun dahuluk iha Liga Basketeból Nasionál . Atividade hirak ne’e hahú hala’o iha loron 25 fulan-fevereiru no sei remata iha fulan-novembru tinan ne’e.
Marka prezensa iha serimónia ida ne’e, Prezidente Liga, Prezidente klube sira, Autoridade sivil no militar sira, atleta basketeból no konvidadu sira seluk.
