Ministru Bendito Freitas no Governador provínsia xineza Guangxi nian esplora posibilidades kooperasaun
Ministru Negósius Estranjeirus no Kooperasaun, Bendito dos Santos Freitas, akompaña husi Embaixadór Timor-Leste iha Xina, Loro Horta, realiza enkontru ida ho Governadór Provínsia Guangxi, Repúblika Popular Xina nian, Lan Tianli, ho ninia ekipa, hodi diskute posibilidades kooperasaun entre rejiaun Guangxi no Timor-Leste. 
Guangxi nu’udar provínsia ida husi parte súl Xina ne’ebé halo fronteira ho Vietname no besik ho nasaun sira sudeste aziátiku nian. Lokalizasaun jeográfika ida ne’ebé estratéjika ne’e promove ona relasaun ekonómika no komersiál entre Guangxi no nasaun sira iha sudeste aziátiku.
O Ministru Bendito Freitas salienta importánsia hodi hametin relasaun diplomátika no kooperasaun ho provínsia Guangxi, liuliu iha kontestu adezaun plena Timor–Leste nian ba Asosiasaun Nasoins Sudeste Aziátiku (ASEAN) iha futuru.
