Governu Timor-Leste

Primeiru-Ministru, Kay Rala Xanana Gusmão, iha loron 2 fulan-abríl tinan 2024, haruka karta kongratulasoins ba Primeiru-Ministru foun Portugál, Luís Montenegro, hodi felisita nia ba ninia eleisaun foin daudaun ne’e no ba ninia simu pose Governu Konstitusionál Portugés XXIV.

Iha karta ne’e, Primeiru-Ministru konsidera nomeasaun ida-ne’e nu’udar “konkista signifikativa ida no rekoñesimentu ida ba kompromisu no dedikasaun [Luís Montenegro] ba kauza públika.

“Lori Povu, Governu Repúblika Demokrátika Timor-Leste nia naran no [ninia naran] rasik”, Xanana Gusmão hato’o votus ba “susesu boot-liu iha dezempeñu kargu nobre ida-ne’e” no “votus prosperidade ba povu portugés”.

Xefe Governu ne’e foka-liu katak “Portugál hanesan país maun-alin ne’ebé hanesan referénsia ida no, sai nafatin parseiru ida ne’ebé metin ho Timor-Leste, ba prosesu [nasionál] harii Estadu ne’ebé importante tebes” no espresa mós ninia “dezeju no disponibilidade atu serbisu iha konsolidasaun lasu istóriku amizade, solidariedade no kooperasaun ne’ebé unifika ita-nia povu no país”.

Xanana Gusmão salienta tan konfiansa katak, ho governasaun Luís Montenegro nian, sei fó kontinuidade ba “parseria hodi defende valór demokrátiku sira ne’ebé aas liu no atu halo promosaun ba kauzas komún”.