Governu nomeia Diretór Ezekutivu foun – Fundu Dezenvolvimentu kapitál Umanu nian

Ministru Planeamentu no Investimentu Estratéjiku (MPIE), hanesan Prezidente Konsellu Administrasaun ba Fundu Dezenvolvimentu Kapitál Umanu (CA-FDCH-sigla iha lian portugés), Gastão Francisco de Sousa, anunsia iha loron 16 fulan-novembru tinan 2023, kona-ba nomeasaun Júlio Aparício nu’udar Diretór Ezekutivu Foun ba Sekretariadu Tékniku Fundu Dezenvolvimentu Kapitál Umanu (ST-FDCH), iha mandatu 1 ho durasaun tinan haat. Júlio Aparício substitui Diretór Ezekutivu sesante, Cristóvão dos Reis. Serimónia ne’e hala’o iha fatin sekretariadu tékniku FDCH nian.  Governu nomeia Diretór Ezekutivu foun   Fundu Dezenvolvimentu kapitál Umanu nian

Ministru Gastão Francisco de Sousa, durante serimónia ne’e hateten katak presiza iha pozisaun ida labele permanente, no fó hanoin atu iha  rotasaun ba kargu ne’e husi tempu ba tempu, maibé instituisaun tenke kontinua hala’o nia funsaun ho konsisténsia hodi promove dezenvolvimentu ba povu no nasaun.

Governante ne’e manifesta ninia konfiansa iha kompromisu komún hodi avansa ho modu pozitivu, mantein saida maka funsiona hela ho di’ak no hadi’a sira ne’ebé presiza atu hadi’a, hodi serbí ba nasaun no ita-nia povu, liuliu ita-nia joven sira ne’ebé mak estuda hela iha universidade.  Governu nomeia Diretór Ezekutivu foun   Fundu Dezenvolvimentu kapitál Umanu nian

Diretór Ezekutivu foun ne’e, Júlio Aparício, hatudu nia gratidaun ba konfiansa ne’ebé fó ba nia husi Ministru Dezenvolvimentu no Investimentu Estratéjiku ho nomeasaun ida ne’e no kompromete atu servisu hamutuk ho parte hotu-hotu hodi dezenvolve FDCH no promove mudansa sira iha dezenvolvimentu rekursus umanus iha Timor-Leste.

url: http://timor-leste.gov.tl?lang=tp&p=35107