Provínsia Hunan, iha Xina no Munisípiu Manatuto lansa Programa Kooperasaun Agrikultura

Ministru Administrasaun Estatál, Tomás do Rosário Cabral, Governadór Provínsia Hunan, Xina nian, Mao Weiming no Administradór Munisípiu Manatutu, Bernardo Lopes, ohin lansa ona programa Kooperasaun Internasionál iha setór agríkola entre Provínsia Hunan, Xina, no Munisípiu Manatutu. Serimónia ne’e hala’o iha loron 9 fulan-setembru tinan 2023, iha Manatutu Vila. FB IMG 1694413152858 300x184 Provínsia Hunan, iha Xina no Munisípiu Manatuto lansa Programa Kooperasaun Agrikultura

Ho akordu foun kooperasaun nian ida-ne’e, hakarak fó kontinuidade ba programa, ne’ebé hahú ona iha tinan 2014, hodi hametin kooperasaun iha área agríkola, ortikultura, pekuária, veterinária no peska nian. FB IMG 1694413255073 300x194 Provínsia Hunan, iha Xina no Munisípiu Manatuto lansa Programa Kooperasaun Agrikultura

Ministru Administrasaun Estatál afirma katak “lansamentu ida ne’e reprezenta tan pasu ida hodi alkansa kooperasaun bilaterál ho Xina”. Tomás Cabral, “hanesan membru Governo nune’e mós hanesan Manatutu oan” apela ba Embaixadór Xina iha Timor-Leste, “lori Governu no Populasaun Manatutu nia naran atu mantein koordenasaun entre Ministériu Administrasaun Estatál no Munisípiu Manatutu atu programa ida ne’e bele la’o ho di’ak”. FB IMG 1694413105497 221x225 Provínsia Hunan, iha Xina no Munisípiu Manatuto lansa Programa Kooperasaun Agrikultura

Governu Provínsia Hunan, ne’ebé reprezenta Governu Repúblika Populár Xina nian fó hanoin katak “kooperasaun entre Hunan no Timor-Leste, liuliu ho Manatutu ne’ebé kleur ona durante tinan 15 ” no ko’alia liu importánsia husi akordu ne’e “atu hametin kooperasaun mútua ba futuru iha área agrikultura nian hodi bele hasa’e produsaun agríkola no mós  ekonomia lokál”.

Administradór Manatutu, Bernardo Lopes, manifesta katak, hanesan “onra boot ida ho prezensa Governadór Hunan no ninia delegasaun iha Manatutu hodi lansa kooperasaun ida ne’e”.

Manatutu iha potensiál boot iha agrikultura no sistema irrigasaun nian, komponente boot ida husi programa ne’e maka determinante ba ninia dezenvolvimentu, haree ba falta sistema irrigasaun husi Mota Laklo, ne’ebé naksobu tanba inundasaun iha loron 4 fulan-abríl tinan 2021, hamosu impaktu negativu ba komunidade lokál no impede kultivu / hodi kuda/planta iha rai ne’e. FB IMG 16944132406211 276x225 Provínsia Hunan, iha Xina no Munisípiu Manatuto lansa Programa Kooperasaun Agrikultura

Serimónia lansamentu ba akordu ne’e sura ho prezensa Embaixadór Xina nian iha Timor-Leste, Komandante Polísia Nasionál Timor-Leste iha Munisípiu Manatutu, Xefe Gabinete Ministériu Administrasaun Estatál, Diretór Agrikultura Manatutu, Prezidente Konsellu Veteranus Munisípiu Manatutu no estrutura administrativa munisípiu nian.

url: http://timor-leste.gov.tl?lang=tp&p=34003