Primeiru-Ministru Kamboja nian, Hun Sen, atuál Prezidente Asosiasaun Nasoins Sudeste Aziátiku (ASEAN), hateten iha loron 3 fulan-agostu liubá, katak “ prosesu adezaun Timor-Leste nian ba ASEAN iha progresu di’ak” hateten “otimista katak Timor-Leste sei tama ba ASEAN kleur liu maka iha tinan oinmai”.

Deklarasaun ida-ne’e hato’o durante iha serimónia abertura Sorumutuk Ministrus Negósius Estranjeirus ASEAN nian ba da-55, ne’ebé hala’o iha Phnom Penh, Kamboja no konta ho partisipasaun Timor-Leste nian, ne’ebé reprezenta husi Ministra Negósius Estranjeirus no Kooperasaun, Adaljiza Magno.

Pedidu adezaun nian, submete iha tinan 2011 no Timor-Leste daudaun ne’e sai membru observadór ba organizasaun ida-ne’e. 

ASEAN  kria iha loron 8 fulan-agostu tinan 1976 no daudaun ne’e ho nia membru maka hanesan Brunei Darussalam, Kamboja, Filipinas, Indonézia, Laos, Malázia, Myanmar, Singapura, Tailándia no Vietnam