Governu, Nasoins Unidas no OIM Lansa Polítika Nasionál Envolvimentu Diáspora no Estratéjia Mobilizasaun Remessa
Horiseik, loron 21 fulan-juñu tinan 2022, Ministru Finansas, Rui Gomes, hamutuk ho Koordenadór Rezidente Nasoins Unidas, Roy Trivedy no Xefe Misaun IOM Timor-Leste, Ihma Shareef, lansa ona Polítika Nasionál Envolvimentu Diáspora no Estratéjia Mobilizasaun Remessa.
Polítika no Estratéjia ne’e mak hanesan dokumentu importante ida ne’ebé mak produs ba dahuluk iha Timor-Leste ho apoiu husi Organizasaun Internasionál ba Migrasaun (IOM, sigla Inglés), ne’ebé mak hola parte iha Programa Konjuntu Nasoins Unidas hanaran Kuadru Finansiamentu Nasionál Integradu (INFF, sigla Inglés), finansia husi Fundu Konjuntu Objetivus Dezenvolvimentu Sustentavel.
Objetivu prinsipál husi dokumentu importante ne’e mak atu fornese orientasaun balun ba Governu Timor-Leste, parseirus internasionál no parte interessada sira seluk relasiona ho migrante no komunidade Timoroan ne’ebé hela iha nasaun barak iha mundu.
Depoisde restaurasaun independénsia, remessa arrekada husi traballadór Timoroan sira iha Reinu Unido, Austrália no Koreia du Súl, importante tebes ba Timor-Leste nia ekonomia.
Iha 2018, remessa husi komunidade Timoroan ne’ebé servisu iha estranjeirus mak país nia maior fontes reseitas esterna, depoisde petróleu.
Iha 2021, remessa diáspora mak segundu maior fontes reseitas depoisde petróleu no gás, reprezenta 8,7% husi produtu internu brutu la’ós-petróleu.
Entre 2013 no 2020, remessa husi traballadór Timoroan ne’ebé servisu iha estranjeirus sa’e dubru, husi millaun $34 ba kuaze millaun $150 iha 2020. Iha tinan 2021, remessa diáspora atinji millaun $170.
Tambá ne’e, Remessa diáspora importante tebes atu bele ajuda Governu diversifika ekonomia.
“Ha’u haree remessa diáspora ne’e hanesan oportunidade ida atu diversifika ekonomia no fontes reseitas nasionál liuhusi esplora no introdus títulus (
