Aniversáriu CAC ba dala-12 no lansamentu plataforma online ba rejistu deklarasaun rendimentu, bens no interese

Ter. 22 fevereiru 2022, 16:02h
274058981_498192941693665_6337288837960819566_n

Komisaun Antikorrupsaun (KAK) komemora ona nia aniversáriu ba da-12, iha loron 22 fulan-fevereiru tinan 2022, ho lansamentu plataforma online ba rejistu deklarasaun rendimentu, beins no interese nian sira (DRBI - sigla iha lia-portugés). Serimónia ne’e hala’o iha Salaun Laline Lariguto, edifísiu Komisaun Nasionál Eleisoins nian (CNE - sigla iha lia-portugés), iha Dili.

Durante eventu ne’e, Ajénsia Teknolojia Informasaun no Komunikasaun TIC TIMOR I.P., nian, ne’ebé maka responsavel ba ezekusaun plataforma ne’e nian, asina ona memorandu entendimentu nian ida ho KAK relasiona ho jestaun ba plataforma ne’e. 273823034_1394304124359969_6865620212384789067_n

Sistema ba deklarasaun rendimentu, beins no interese nian sira, husi ema sira ne’ebé ezerse funsaun públika sira, ho objetivu prinsipál sira atu deteta no prevene konflitu interese nian sira, nune’e mós, atu monitoriza rikusoin oioin hodi deteta aumentu ida ne’ebé boot no ne’ebé la iha justifikasaun iha patrimóniu hosi ema sira ne’ebé sujeita ba deklarasaun ne’e. Iha ninia deklarasaun, ema sira ne’ebé ezerse funsaun públika sira fornese mós informasaun kona-ba rendimentu sira, beins no interese sira, obrigasaun sira no despeza sira husi membru sira hosi ninia agregadu familiár.

Medida ne’e regula husi Lei n. 7 /2020, 26 fulan-agostu, ne’ebé aprova ona medida sira ba prevensaun no kombate korrupsaun.

Autoridade ne’ebé iha kompeténsia atu simu no verifika deklarasaun sira maka KAK, exetu ba deklarasaun Prezidente Repúblika, membru sira hosi Parlamentu Nasionál, membru sira hosi Governu no ajente públiku sira hosi KAK , ne’ebé sira nia deklarasaun, Supremu Tribunál Justisa maka simu no verifika.

Komisáriu KAK, Sérgio Hornai, iha nia intervensaun, salienta importánsia ba lansamentu hosi plataforma ida-ne’e atu “aumenta no hametin integridade ajente públiku sira Estadu nian no prevene konflitu interese nian sira”.

Ministru Prezidénsia Konsellu Ministrus, Fidelis Manuel Leite Magalhães, iha nia diskursu, hahú ho hato’o parabéns ba KAK ninia aniversáriu ba da-12, no manifesta katak sai hanesan onra boot ida atubele partisipa iha serimónia ida-ne’e, hodi reprezenta Xefe Governu, atu reafirma, dala ida tan, kompromisu Governu VIII nian no señór Primeiru-Ministru, Taur Matan Ruak ho nia gabinete, ba governasaun ida ne’ebé di’ak no ba luta kontra korrupsaun iha ita-nia país. 274043452_376694993841094_3606333373713657250_n

Ministru subliña mós katak plataforma ida-ne’e “la importante ba membru sira Governu nian, maibé importante ba sosiedade, tanba atu Timor-Leste sei atinje ninia objetivu sira dezenvolvimentu nian nune’e mós atu sidadaun sira labele hamenus konfiansa ba Estadu, presiza mekanizmu sira verifikasaun nian hanesan ida ne’e, ne’ebé reforsa ema, polítiku no diretór sira nia integridade”.

   Ba leten