Sorumutuk ho Parseiru Dezenvolvimentu Timor-Leste nian sira (TLDPM)

Husi 27 jul toó 30 jul

Governu Timor-Leste nian, liuhusi Ministériu Finansas, organiza Sorumutuk ho Parseiru Dezenvolvimentu Timor-Leste nian sira (sigla iha lian inglés: TLPDM), ne’ebé sei hala’o iha loron 30 fulan Jullu tinan 2021, Iha Ministériu Finansas.

TLDPM (Timor-Leste Development Partners Meeting) mak konferénsia anuál, Nivel Aas ida, ne’ebé Governu hala’o sorumutuk ho parseiru dezenvolvimentu nasaun nian sira hotu atu halo reflesaun ida kona-ba objetivu hirak ne’ebé alkansa ona no análize ida kona-ba dezafiu hirak ne’ebé sei hasoru, tuir planu estratéjiku ba futuru nasaun nian.

Iha Ministériu Negósius Estranjeirus no Kooperasaun, sei hala'o sorumutuk bilateral sira iha loron 27, fulan jullu, Sorumutuk Parseirus Dezenvolvimentu kona-ba Integrasaun Ekonómika Rejional sei hala'o iha loron 28 de jullu no Sorumutuk Grupu Traballu daruak OMK nian iha loron 29 fulan jullu.

   Ba leten