MESSK Hala’o Lansamentu Programa Bolsa Estudu “Kbi’it Laek”
Iha Loron 25, Fulan-Fevereiru, Tinan 2021, Ministru Ensinu Superiór, Siénsia no Kultura, Longuinhos dos Santos, hala’o lansamentu ba Programa Bolsa Estudu “Kbi’it Laek” ho asinatura ba Diploma Ministeriál atu regula prosesu ida ne’e, ne’ebé sei implementa husi Sekretariadu Tékniku Fundu Kapitál Umanu (FDCH, sigla portugés) iha koordenasaun ho entidade relevante sira seluk.
Bolsas Estudu “Kbi’it Laek” oferese ba estudante sira ne 'ebé mai husi família vulnerálvel ka karensiada sira no ninia objetivu prinsipál maka garante ba sidadaun timoroan hotu asesu ne’ebé ekuitativu ba ensinu superiór no hamenus kiak, ne’ebé sai hanesan meta prinsipál ida husi Programa VIII Governu Konstitusionál.
Partisipa iha serimónia ne’e Diretora-Jerál Ensinu Superiór no Siénsia, Diretora Ezekutiva FDCH, Koordenadora UKAE, tékniku no asesór sira.
