Governu no UNICEF komemora loron Mundiál labarik nian
Ses. 20 novembru 2020, 21:07h
Governu no UNICEF selebra loron Mundiál Labarik nian, ne’ebé hala’o iha loron 20 fulan-novembru, ho serimónia ida iha Palásiu Governu, iha Dili.
Eventu ne’e lidera husi Ministru Prezidénsia Konsellu Ministrus, Fidelis Manuel Leite Magalhães, hanesan reprezentante husi Governu no reprezentante husi UNICEF nian iha Timor-Leste mak Valerie Taton, iha edifísiu Palásiu Governu nian ne’ebé nakonu ho kór azúl hodi marka importánsia direitu labarik sira-nian no presiza ita hotu atu kontinua serbisu hamutuk hodi hadi’a filafali mundu ida ne’ebé labarik sira maka sai nu’udar prioridade.
Serimónia ne’e hetan mós partisipasaun husi parseiru sira dezenvolvimentu nian no korpu diplomátiku.
