Governu Timor-Leste

Sorumutu ba Estadu Frásil sira nian, ne’ebé hala’o iha Kinta-feira, iha Díli, remata ho elaborasaun , hosi parte país partisipante sira, dokumentu ida-ne’ebé hanaran “Statemente by the g7+”. Dokumentu ida-ne’ebé Estadu sira afirma sira-nia laran-dia’ak atu hamenus ki’ak, hakotu konflitu sira-ne’ebé iha no fo kondisaun di’ak ba sira-nia populasaun sira.

Iha ninia diskursu abertura ba surumutu ida-ne’e, Primeiro-Ministru, Kay Rala Xanana Gusmão, hahú destaka ho diferénsa sira ne’ebé iha hosi Estadu sira ne’ebé prezente no konklui katak: “Ita iha konfortu atu hatene katak ita la mesak, ne’ebé kabe ba ita, no ba ita de’it, responsabilidade atu atua ba defesa ita nia povu sira no, liutan, laran di’ak atu desidi forma oinsá envolvimentu Komunidade internasionál, bele sai konstrutiva no vokasionada liutan ba ita-nia nesesidade sira”.

Iha “Statement by the g7+”, partisipante sira afirma ona nesesidade atu hala’o papél ida ativu no maka’as liu iha asisténsia mak presta hosi parseiru dezenvolvimentu sira. Espresa mos laran di’ak atu dezeña vizaun longu prazu ida, ne’ebé adapta ba sira-nia realidade sira.

País sira mak hola fatin iha sorumutu "g7+” ida-ne’e (Burundi, Chad, República Democrática do Congo, Nepal, Ilhas Salomão, Serra Leoa, Sul do Sudão e Timor-Leste) hatudu sira-nia laran kmanek ba akordu ne’ebé hetan iha elaborasaun dokumentu ida-ne’e, reprezenta sira-nia kontribuisaun ba “Deklarasaun Díli nian”.

Bele hetan vídeo sira hotu husi eventu ida-ne’e iha seksaun Multimédia/Vídeo.
Atu haree liu tan fotografia sira eventu nian, klik iha ne’e: Fotografia