Ministru Prezidénsia Konsellu Ministrus, Fidelis Manuel Leite Magalhães, realiza ohin, loron 25 fulan-juñu, entrega formal ba pasta ministerial, ne’ebé durante ne’e interinu, ba membru Governu foun, ne’ebé agora lidera Ministériu sira ne’e.

Iha sorumutk sira ne’e, Ministru Prezidénsia Konsellu Ministrus esplika ba Ministru sira foun kona-ba atividade ne’bé realiza ona, asuntu sira pendente no mós entrega ona relatóriu sira husi nia mandatude iha Ministério ida-idak durante tinan rua liubá.

Dader loron 25, Fidelis Magalhães reune ho Ministru Turizmu, Komérsiu no Indústria, José Lucas do Carmo da Silva e no Ministru Petróleu no Minerais, Víctor da Conceição Soares.

Lokraik, realiza ona Sorumutuk ho Ministru Planu no Ordenamentu, José Maria dos Reis no ho Ministru Koordenador ba Assuntus Ekonómikus, Joaquim Amaral, ho partisipasaun husi Sekretáriu Estadu Formasaun Profisional no Empregu, Alarico de Rosário, Sekretáriu Estadu  Kooperativas, Elizário Ferreira no Sekretáriu Estadu Ambiente, Demétrio do Amaral de Carvalho.