imor-Leste simu ekipamentus no material médiku hodi luta hasoru COVID-19

Ter. 28 abril 2020, 15:19h
IMG-20200428-WA0015

Ohin, loron 28 fulan-abríl, to’o ona iha Dili, ekipamentu no materiál médiku oioin atu apoia iha kombate hasoru COVID-19, ne’ebé oferese husi Repúblika Populár Xina, iha aviaun ida ne’ebé maihusi Xangai, Iha Xina. Serimónia entrega materiál ne’e nian hala’o iha Aeroportu Internasionál Prezidente Nicolau Lobato no partisipa mós husi Ministu Negósius Estranjeirus no kooperasaun, Dionísio Babo Soares, no Embaixadór Xina nian iha Timor-Leste, Xiao Jiangou.

Governu, liuhusi Ministrus Negósius Estranjeirus no Kooperasaun, halo ona esforsu hotu-hotu , husi kedas loron 28 fulan-janeiru tinan 2020 to’o oras ne’e, atu hetan garantia husi Governu Repúblika Populár Xina, meiu tékniku sira no umanu husi Xina, ne’ebé presiza ba kombate hasoru COVID-19 iha Timor-Leste.

Hafoin doasaun parte dahuluk husi ekipamentu médiku nian sira, ne’ebé inklui kámaraida ba imajen térmikanian ida hodi monitoriza temperatura, ne’ebé to’o ona iha loron 4 fulan-marsu liubá, Governu Xina entrega fali ba Timor-Leste, parte daruak husi suprimentus médikus nian, ne’ebé inklui máskara rihun 42, máskara KN95 rihun 40, ropa protesaunn nian 4400, vizeira 4440, kapa sapatu nian 4400, luvas médika nian sira 5000, termómetru 80 no ventiladór portatil hamutuk 90. 9b7a98c8-cb5b-491c-8d35-7f90d4aa66c9

Embaixada Repúblika Populár Xina akompaña hela husi besik situasaun COVID-19 iha Timor-Leste, liuhusi halo kontaktu nafatin ho Minstériu Negósius Estranjeirus no Kooperasaun (MNEK), no apoia Timor-Leste to’o oras ne’ iha luta hasoru COVID-19, ho fornesimentu suprimentu médiku sira, hosi fahe informasaun no koñesimentu sira no ho insentivu ba komunidade no ba empreza xineza sira hodi halo doasaun.

Governu Xina prepara parte datoluk ida husi suprimentus médikus nian, liuhusi koordenasaun ho MNEK, Fundasaun Jack Ma no Fundasaun Alibaba hodi entrega doasaun foun.

 

   Ba leten