Medida sira kona-ba Izolamentu Obrigatóriu no Voluntáriu durante estadu emerjénsia

Prezidénsia Konsellu Ministrus

VIII Governu Konstitusionál

……………………………………………………………………………………………………………

loron 28 fulan marsu tinan 2020

Komunikadu Imprensa

Medida sira kona-ba Izolamentu Obrigatóriu no Voluntáriu durante estadu emerjénsia

Refere ba deklarasaun estadu emerjénsia, hetan aprovasaun iha Konsellu Ministrus husi loron 28 fulan-marsu 2020, Dekretu Governu nian ne’ebé halo enumerasaun ba medida sira husi ezekusaun husi deklarasaun estadu emerjénsia.

Medida sira ne’ebé aprovadu iha objetivu atu prevene COVID-19, halo kontensaun ba pandemia, salva ema nia vida no garante subsisténsia husi kadeia abastesimentu husi beins no servisu sira ne’ebé esensiál ba ita nia populasaun, maske sira ne’e bele limita liberdade no direitu fundamentál balu. Medida sira ne’e sei hola ho respeitu ba limite konstitusionál sira no tuir orientasaun sira husi Organizasaun Mundiál Saúde no ezemplu husi Estadu sira seluk.

Estadu emerjénsia tama iha vigor iha 00:00 oras husi loron 28 fulan-marsu 2020 to’o oras 23:59 husi loron 26 fulan-abril 2020 no aplika ba territóriu nasionál tomak.

Tama iha konfinamentu obrigatóriu, iha fatin saúde ka iha ninia uma rasik, ema ne’ebé hetan infesaun husi Coronavirus foun, to’o simu alta médika no ema hotu sira ne’ebé tama iha territóriu nasionál no sira hotu ne’ebé iha vijilánsia husi autoridade saúde durante prazu loron sanulu resin haat.

Sé mak la’ós iha izolamentu obrigatóriu ka la tenke hola prezensa iha servisu fatin tenke mantein iha uma. Karik presiza sai, tenke sai mesak no mantein distánsia pelumenus metru ida ba ema seluk. no evita grupu husi ema.

Bandu atu hala’o enkontru ka manifestasaun sira ne’ebé implica aglomerasaun husi liu ema na’in lima no realizasaun husi eventu sosiál, kulturál no desportivu ruma. Bandu mós atu hala’o selebrasaun relijioza ruma no eventu seluk husi kultu no funeral sira kondisiona ba medida prevensaun no labele liu ema na’in sanulu hamutuk dala ida.. FIM

url: http://timor-leste.gov.tl?lang=tp&p=23924