……………………………………………………………………………………………………………
Komunikadu Imprensa
Sorumutuk Konsellu Ministrus nian loron 22 fulan-janeiru tinan 2020
Konsellu Ministrus hala’o sorumutuk iha Palásiu Governu iha Dili no aprova ona Rezolusaun Governu nian ne’ebé maka Ministra Saúde ein ezersísiu, Élia António de Araújo dos Reis Amaral, aprezenta, kona-ba Adosaun Regulamentu Sanitáriu Internasionál, dispozitivu legál internasionál ida, ne’ebé kria iha ámbitu Organizasaun Mundiál Saúde nian (OMS), ne’ebé estabelese prosedimentu no medida sanitária sira ba protesaun saúde públika, hodi impede moras sira labele da’et habelar entre nasaun sira. Sei kria mós Komisaun Interministeriál ida ne’ebé sei sai responsavel ba implementasaun, koordenasaun, avaliasaun no monitorizasaun kona-ba Regulamentu Sanitáriu Internasionál. REMATA