Timor-Leste sei organiza Forum Anual 16+ iha tinan 2019, iha Dili, hahu husi loron 11 to’o 14 fulan-novembru. Mostra Anual Forum 16+ tinan ida ne’e ba dala tolu nian, no serimonia uluk ne’e hahu husi Serra Leoa iha tinan 2018 no ho nia Mostra dahuluk ne’ebe hala’o iha Georgia iha tinan 2017. Objetivu husi Mostra ne’e atu aproxima 180 formulador politika sira, profisional sira no lider pensamentu iha Objetivu Dezenvolvimentu Sustentável ODS 16+ iha Timor-Leste no husi nasaun 30 to’o 35 iha mundu tomak, inklui reprezentante husi sosiedade sivil no Governu, funsionáriu husi Organizasaun Nasoins Unidas, fundasoins, setor privadu no sira seluk tan.