Dirijente Fundasaun Azia visita Timor-Leste no rekoñese êxitu sira husi timoroan desde 1999

Kua. 28 agostu 2019, 17:36h
IMG_0005

Loron 28 fula-agostu tinan 2019 - Ministru Reforma Lejizlativa no Asuntus Parlamentares no Ministru Koordenadór Asuntus Ekonómikus no Ministru Turizmu, Komérsiu Indústria iha ezersísiu, Fidelis Manuel Leite Magalhães, iha loron-kuarta ne’e, simu vizita hosi Vise-Prezidente Ezekutiva Asia Foundation nian, Señora Suzanne Siskel, ne’ebé vizita Timor-Leste atu partisipa iha komemorasaun tinan 20 Konsulta Populár no misaun INTERFET nian.

Delegasaun ne’e inklui mós reprezentante rezidente interina Asia Foundation nian, Señora Margareth Bennet. MCAE iha ezersísiu, informa ba delegasaun ne’e kona-ba prioridade ekonómika sira ne’ebé liga ba diversifikasaun ekonomia nian no ba dezenvolvimentu setór emprezariál hodi kria empregu sira, nune’e mós kona-ba projetu Governu nian sira no atu kria no proteje fatin sira ne’ebé iha poténsia ba turizmu.

MTCI iha ezersísiu ne’e haruka ona mós atu inklui projetu foun sira hodi hala’o durante ezersísiu OJE tinan 2020 nian, ho prioridade ba sidade Dili no Ataúru, maibé abranje mós ba munisípiu sira seluk, hanesan Likisá, Ermera, Manufahi no Ainaru, no sira seluk tan.

Vise-Prezidente Suzanne Siskel, ne’ebé hela tinan barak iha rejiaun ne’e hato’o ninia admirasaun ba Ministru Fidelis Magalhães no Governo kona-ba Timor-Leste nia dezenvolvimentu iha tinan 20 ikus-ne’e no dispozisaun Asia Foundation nian atu habelar ninia parseria ho Governu no mós atu kontinua fó apoiu ba inisiativa sira hosi emprezáriu sira no sosiedade sivíl, liuliu iha setór Turizmu nian.

   Ba leten