Governu hala'o sorumutu ho Royal Brunei Airlines hodi diskuti aviasaun sivil nasional

Kin. 15 agostu 2019, 16:29h
IMG_9463 - Copy

Ministru Estadu Prezidénsia Konsellu Ministrus. Agio Pereira, hala’o sorumutu ohin, loron 15 fulan-agosto tinan 2019, iha Palásiu Governu, iha Díli, ho reprezentante kompañia aérea Royal Brunei Airlines.

Sorumutu ida ne’e ho objetivu debate hodi bele hetan parseria diak sira atu asegura transporte aéro nasionál no halo koneksaun entre Timor-Leste ho nasaun seluk iha mundu nune,   atu asegura transporte aéreu no evita izolamentu ne’ebé impoin husi merkadu kompetitivu indústria husi liña aérea nian.

Kompañia aérea Royal Brunei Airlines hanesan kompañia Governamental ida husi Brunei Darussalam, estabelese iha loron 18 fulan-novembru tinan 1974, ne’ebé agora dadaun iha rotas aéreas hamutuk 24 iha Azia, Austrália, Europa e Médio Oriente.

Partisipa mós iha sorumutu ne’e peritu husi firma advokasia DLA Piper hanesan firma advokasia globál ho advogadu sira iha nasaun 40 resin hanesan Amérika, Europa, Oriente Médiu, Áfrika no Ázia-Pasífiku no ho kliente sira iha mundu tomak.

 

   Ba leten