Governu Timor-Leste

Ministru Estadu Prezidénsia Konsellu Ministrus no Ministru Petróleu no Minerais iha ezersísiu, Agio Pereira, hasoru malu ho reprezentante husi empreza nasionál Sacom, Abílio Araújo, no ho reprezentante sira hosi empreza internasionál Trafigura, Tim Cordrington hanesan komersiante seniór no Matt Van Der Gaag hanesan jerente rejionál mina-rai nian. Empreza sira ne’e hatudu sira-nia interese atu dezenvolve gazodutu no unidade industriál GLP- gás likefeitu mina-rai nian (LNG) ba Be-asu no projetu relevante sira seluk.

Sorumutuk ne’e hala’o iha loron 23 fulan-maiu, iha Palásiu Governu, iha Dili. Trafigura hanesan empreza boot ida mós husi empreza independente boot sira seluk ne’ebé hala’o komérsiu mina-rai nian iha mundu, no nu’udar empreza ida husi empreza uitoan de’it ne’ebé iha prezensa globál no kobertura produtu nian ne’ebé abranjente.