Formandu na’in 271 simu sertifikadu iha área konstrusaun sivíl, ospitalidade no agrikultura nian

Iha loron 25 fulan-outubru, formandu na’in 271, simu sira-nia sertifikadu iha Sentru Nasionál Empregu no Formasaun Profisionál (sigla iha lian portugés CNEFP), iha serimónia ida-ne’ebé konta ho partisipasaun husi Sekretáriu Estadu Formasaun Profisionál no Empregu (SEFOPE), Julião da Silva, Embaixadór Austrália iha Timor-Leste, Peter Roberts no Diretór-Jerál SEFOPE, Paulo Alves. Eventu ne’e hala’o iha edifísiu CNEFP nian, iha Tibar.

Husi formandu na’in 271 ne’ebé hetan ona sertifikadu ne’e, na’in 186 remata kursu konstrusaun sivíl nian ho nivel 1 no 2, na’in 54 hetan ona formasaun iha área ospitalidade ho nivel 1, 2 no 3 no formandu na’in 31 iha área agrikultura nian. Formasaun ne’e hala’o iha fulan neen nia laran. 187A2141 300x200 Formandu na’in 271 simu sertifikadu iha área konstrusaun sivíl, ospitalidade no agrikultura nian

Sekretáriu Estadu iha ninia intervensaun apela ba foin-sa’e sira atu labele para hodi buka hatene, tanba ida ne’e maka dalan hodi tulun nasaun. Governu hirak ne’ebé ukun troka malu to’o oras ne’e hala’o esforsu boot atu Timor-Leste adere ba Asosiasaun Nasoins Sudeste Aziátiku (ASEAN) maibé presiza timoroan hotu-hotu iha koñesimentu no kualifikasaun téknika.

Julião da Silva hateten katak Governu Konstitusionál VIII iha kompromisu atu kontinua investe iha rekursus umanus, no ba ida-ne’e SEFOPE sei halo investimentu boot oin-oin iha sentru formasaun nian hotu-hotu ne’ebé hetan ona kualifikasaun husi INDIMO ho objetivu atu hadi’a kualidade husi sentru formasaun nasionál sira. 187A19833333333333333 300x200 Formandu na’in 271 simu sertifikadu iha área konstrusaun sivíl, ospitalidade no agrikultura nian

Formasaun bele tulun Governu no Estadu hodi hamenus dezempregu no litíjiu laborál sira iha Timor-Leste, tanba jestór sira labele hapara traballadór kualifikadu sira-ne’ebé kontribui no hasa’e investidór sira-nia rendimentu” Sekretáriu Estadu ne’e hateten.

Julião da Silva mós husu ba formandu sira ne’ebé simu ona sertifikadu, tuir nivel formasaun nian ida-idak, atu uza sertifikadu sira-ne’e ho responsabilidade hodi hatudu ba públiku katak sira-nia kualidade bazeia ba sira-nia dedikasaun ba formasaun.

url: http://timor-leste.gov.tl?lang=tp&p=20806