Atleta timoroan sira manan medalla sira dahuluk iha Asian Para Games

Sab. 13 outubru 2018, 17:13h
WhatsApp-Image-2018-10-10-at-19.27.27

Atleta timoroan sira, Teófilo Freitas no Pascoela dos Santos Pereira, manán medalla osan-mean no medalla osan-riti iha edisaun datoluk Asian Para Games nian.

Teófilo Freitas manán medalla osan-mean dahuluk ne’ebé sai hanesan istória ba Timor-Leste, iha loron 12 fulan-outubru, iha halai-taru metru 400, iha klase T37 nian, ho tempu segundu 53,14, ne’ebé hamosu rekorde aziátiku foun hodi hakat liutiha rekorde anteriór ho segundu 53,44.

Molok manán medalla osan-mean ne’e, Timor-Leste manán ona medalla osan-riti, iha loron 10 fulan-outubru, tanba Pascoela dos Santos Pereira manán hasoru atleta Koreia nian 3-0 iha ténis meza.

Asian Para Games ne’e hala’o iha Jakarta, Indonézia, husi loron 6 to’o loron 13 fulan-outubru, iha ne’ebé atleta rihun tolu husi país 43 maka kompete iha modalidade 18 ne’ebé la hanesan.

   Ba leten