Festivál Kafé tinan 2017 promove kafé orgánika Timór nian

Sab. 28 outubru 2017, 16:32h
FestivalCafe2017_2_PG

Ministériu Agrikultura no Peskas (MAP) no Asosiasaun Kafé Timor-Leste (sigla iha lian portugés ACTL) realiza Festivál Kafé tinan 2017, ne’ebé hala’o husi loron 21 to’o 28 fulan-outubru, iha Maubisi, Munisípiu Ainaru. Promosaun kafé orgánika Timor-Leste nian atu fa’an iha merkadu internasionál hanesan objetivu boot ida husi eventu ne’e, ne’ebé konta ho prezensa espesialista sira husi nasaun barak rai-li’ur nian, hanesan Austrália, Estadu Unidus Amérika, Zelándia Foun no Singapura.

Ministru Estadu no Ministru Agrikultura no Peskas, Estanislau Aleixo da Silva, iha loron ikus festivál nian, hateten kualidade kafé FestivalCafe2017_1_PGnasionál, ne’ebé rekoñese iha internasionál fó hanoin katak “kafé orgánika Timor-Leste ne’e úniku tanba ita-nia íbridu famozu maka fó rezisténsia no kualidade ba kafé”. Estanislau da Silva fó sai katak sei daudaun ne’e halo reabilitasaun ba plantasaun kafé ektare 500 liu iha territóriu hodi hasa’e produsaun kafé nian, nune’e hodi hatán ba prokura internasionál ne’ebé aas.

Festivál Kafé tinan 2017 nian konta ho partisipasaun husi produtór sira husi munisípiu Aileu, Ainaru, Ermera, Likisá no Same.

Manán-na’in husi konkursu kafé ho kualidade aas liu iha tinan 2017 nian maka grupu Eratoi 1, husi Ermera.

   Ba leten