Data: loron 12 to’o 23 fulan-juñu
Fatin: Sala Formasaun Diresaun Nasionál Rejistu no Notariadu nian, Dili, Vila Verde
Hafoin Angola, Kabuverde, Giné-Bisau, Mosambike no Saun Tomé no Prínsipe, oras ne’e to’o ona tempu ba Timor-Leste hodi simu formasaun kona-ba goevernasuan eletrónika (e-gov).
Formasaun ida ne’e dirije ba profisionál sira ne’ebé haknaar an hanesan lideransa no jestaun nian iha área governasaun eletrónika, servisu dijitál sira no jestaun kona-ba teknolojia informasaun no komunikasaun nian sira (TIK).
Governasaun eletrónika ne’e ninia ho objetivu mak atu hakbesik liután servisu Estadu nian ho sidadaun sira, atu fasilita asesu ba informasaun no prosedimentu sira.
Nasaun hirak ne’ebé envolve iha formasaun ne’e maka PALOP, Portugál no Timor-Leste (parseria ida entre Ministériu Prezidénsia Konsellu Ministrus no Diresaun Nasionál ba Servisu Rejistu no Notariadu Ministériu Justisa nian) iha ámbitu Projetu Apoiu ba Melloria Kualidade no Prosimidade Servisu Públiku sira husi PALOP no Timor-Leste, ne’ebé finansia husi Uniaun Europeia, ho ezekusaun ne’ebé delega ba-iha Camões – Instituto da Cooperação e da Língua.