Governu Timor-Leste

Loron: 18 fulan-maiu
Fatin: Sentru Konvensoins Dili
Oráriu: tuku 14:30-16:30
Durante serimónia komemorasaun nian, sei fó-sai ba públiku dokumentu no relatóriu sira husi Fundu Dezenvolvimentu Kapitál Umanu (FDKU), kona-ba atividade ne’ebé dezenvolve ona iha períodu tinan 2011 to’o 2015.
Entre relatóriu sira ne’e, inklui:
• Avaliasaun kona-ba rezultadu sira husi programa FDKU nian husi tinan 2011 to’o 2014;
• Análize no mapeamentu kona-ba rekursu umanu sira setór públiku Timor-Leste nian husi tinan 2016 to’o 2030;
• Giaun bolsa estudu nian no matadalan formasaun nian sira
• Relatóriu anuál FDKU nian husi tinan 2016;
• Regra sira no Giaun FDKU nian;
• Manuál rekursu umanu nian ba funsionáriu sira FDKU nian.
Serimónia ne’e organiza husi Ministériu Planeamentu no Investtimentu Estratéjiku no konta ho prezensa husi Ministru ne’ebé tutela, Xanana Gusmão.
FDKU harii iha tinan 2011 liubá no ninia misaun maka kontribui ba dezenvolvimentu rekursu umanu nasionál sira iha área estratéjika dezenvolvimentu nian oin-oin, liuhusi finansiamentu ba programa no projetu plurianuál formasaun nian sira, ho finalidade atu aumenta kapasidade husi profisionál timoroan sira.
FDKU iha programa sira kona-ba formasaun profisionál ne’ebé haree liu ba sidadaun foin-sa’e sira, programa sira kona-ba formasaun téknika ba funsionáriu públiku sira, foin-sa’e manorin [profesór] sira, forsa sira husi Polísia no Defeza, programa bolsa estudu nian sira ba públiku no funsionáriu sira, ho objetivu atu hetan grau akadémiku ida.