Komisaun ba Reforma Administrasaun Públika, hamutuk ho reprezentante ida husi Prezidénsia Repúblika nian no reprezentante sira husi sosiedade sivíl, halo balansu ida kona-ba ninia atividade iha fulan 14 ikus ne’e, hodi hatudu dalan sira ba koordenasaun ida ne’ebé efikás liu no hodi haree liu ba nesesidade partisipasaun husi sosiedade sivíl iha ezekusaun reforma ne’ebé daudaun ne’e hala’o hela. Enkontru ne’e hala’o iha loron 15 fulan-maiu, iha Dili.

Hetan ona aprovasaun iha sorumutuk Konsellu Ministrus nian iha loron 16 fulan-fevereiru tinan 2016, komisaun ne’e ninia misaun maka hanesan kordenadór polítiku ba reforma Ministru Estadu Kordenadór Asuntu Administrasaun Estadu no Justisa, Dionísio Babo,  atu dezenvolve polítika públika ida kona-ba hadi’a funsionamentu husi konjuntu órgaun, servisu no entidade sira Administrasaun Públika nian, no formasaun, fortalesimentu no valorizasaun ba rekursu umanu sira Funsaun Públika nian.

Husikedas tempu harii Komisaun ne’e, identifika ona meta prioritáriu sira no analiza ona lejizlasaun ne’ebé konsidera importante liu iha pilár ida-idak ne’ebé maka define ona: fortalesimentu institusionál, formasaun ba funsionáriu sira, funsionalizmu públiku ne’ebé tutela husi Institutu Nasionál Administrasaun Públika (INAP) no hasa’e kualidade Komisaun Funsaun Públika nian.

Atu halo ninia análize kona-ba meta sira ne’ebé define ona, Komisaun ne’e hala’o ona sorumutuk serbisu nian no halo nafatin diálogu ho Inspesaun-Jerál Estadu nian, INAP no Sekretaria Estadu Fortalesimentu Institusionál.

Harii (Komisaun ne’eIliuhusi rezolusaun Governu nian n.^u 11/2016 loron 23 fulan-marsu) nu’udar kontinuasaun husi aprovasaun kona-ba Matadalan ba Reforma Administrasaun Públika, iha sorumutuk Konsellu Ministrus nian iha loron 9 fulan-fevereiru tinan 2015.

Sorumutuk tuirmai tau ona iha ajenda, sei hala’o iha fulan-neen oin mai.